నిరాడంబరంగా మొదలైన WhatsApp ప్రయాణం

WhatsApp (వాట్సాప్) ప్రయాణం 2009లో మొదలైంది. యాహూ (Yahoo) మాజీ ఉద్యోగులు బ్రియాన్ ఆక్టన్ మరియు జాన్ కోమ్ కలిసి దీనిని స్థాపించారు. ఆశ్చర్యకరమైన విషయం ఏమిటంటే, వీరు తొలత ఫేస్‌బుక్‌లో ఉద్యోగం కోసం దరఖాస్తు చేసుకుంటే తిరస్కరణకు గురయ్యారు. ఆ తర్వాత వారు సొంతంగా ఏదైనా సాధించాలనే సంకల్పంతో వాట్సాప్‌ను రూపొందించారు. ప్రారంభంలో ఇది కేవలం స్టేటస్ అప్‌డేట్ యాప్‌గా మాత్రమే ఉండేది. అంటే, అవతలి వ్యక్తి ఫోన్ కాల్ లిఫ్ట్ చేయగలరా లేదా, బిజీగా ఉన్నారా అనే విషయాన్ని పక్కన స్టేటస్ ద్వారా తెలియజేసేది. ఆ తర్వాత మెసేజింగ్ ఫీచర్ యాడ్ చేయడంతో దీని ప్రాచుర్యం ఒక్కసారిగా పెరిగిపోయింది. “నో యాడ్స్, నో గేమ్స్, నో గిమ్మిక్స్” అనే నినాదంతో వారు వాట్సాప్‌ను ముందుకు తీసుకెళ్లారు. వినియోగదారుల ప్రైవసీకి భంగం కలగకూడదని వారు అప్పట్లోనే గట్టిగా నిర్ణయించుకున్నారు.

WhatsApp ప్రారంభ దశలో ఆదాయం ఎలా సంపాదించేవారు.

వాట్సాప్ మొదలైన కొత్తలో పూర్తి ఉచితం కాదు. కొన్ని దేశాల్లో మొదటి సంవత్సరం ఉచితంగా ఇచ్చి, ఆ తర్వాత ప్రతి ఏటా ఒక డాలర్ (సుమారు రూ. 80) రుసుముగా వసూలు చేసేవారు. అయితే భారతదేశం వంటి దేశాల్లో అది కూడా ఉండేది కాదు. కానీ మెల్లమెల్లగా వినియోగదారుల సంఖ్య పెరగడం, స్మార్ట్‌ఫోన్ విప్లవం రావడంతో వాట్సాప్ వేగంగా విస్తరించింది. 2014లో సోషల్ మీడియా దిగ్గజం ఫేస్‌బుక్ (ప్రస్తుతం మెటా) ఏకంగా 19 బిలియన్ డాలర్లకు వాట్సాప్‌ను కొనుగోలు చేసింది. ఇది టెక్నాలజీ చరిత్రలోనే అతిపెద్ద డీల్స్‌లో ఒకటిగా నిలిచింది. ఫేస్‌బుక్ చేతిలోకి వెళ్ళాక ఆ ఒక డాలర్ సబ్‌స్క్రిప్షన్ ఫీజును కూడా పూర్తిగా రద్దు చేసి, యాప్‌ను అందరికీ ఉచితంగా మార్చేశారు.

డబ్బులు వసూలు చేయకుండా ఆదాయం ఎలా వస్తుంది?

వాట్సాప్ మనకు ఉచితంగా కనిపిస్తున్నా, దాని వెనుక బలమైన ఆదాయ వనరులు ఉన్నాయి. ఇందులో మొదటిది “వాట్సాప్ బిజినెస్ ఏపీఐ” (WhatsApp Business API). సాధారణ వినియోగదారులకు వాట్సాప్ ఉచితమే కానీ, పెద్ద పెద్ద కంపెనీలకు కాదు. ఉదాహరణకు, మీరు విమానం లేదా రైలు టికెట్ బుక్ చేసినప్పుడు నేరుగా వాట్సాప్‌కు మెసేజ్ వస్తుంది. నెట్‌ఫ్లిక్స్, ఉబెర్, మేక్ మై ట్రిప్ వంటి కంపెనీలు తమ కస్టమర్లకు నోటిఫికేషన్లు పంపడానికి వాట్సాప్‌ను ఉపయోగిస్తాయి. ఇలా పంపే ప్రతి మెసేజ్‌కు వాట్సాప్ ఆయా కంపెనీల నుండి కొంత రుసుము వసూలు చేస్తుంది. అలాగే కస్టమర్ కేర్ సేవలను వాట్సాప్ ద్వారా అందించే కంపెనీలు కూడా దీనికి భారీగానే చెల్లిస్తాయి.

మరో ప్రధాన ఆదాయ మార్గం “వాట్సాప్ పే” (WhatsApp Pay). డిజిటల్ చెల్లింపుల రంగంలోకి అడుగుపెట్టిన వాట్సాప్, యూపీఐ (UPI) ద్వారా లావాదేవీలను ప్రోత్సహిస్తోంది. సాధారణ వ్యక్తుల మధ్య జరిగే లావాదేవీలకు ఛార్జీలు ఉండవు కానీ, వ్యాపార సంస్థలతో జరిగే లావాదేవీల ద్వారా వాట్సాప్ కమీషన్ పొందుతుంది. దీనితో పాటు మెటా సంస్థ తన ఇతర యాప్‌లైన ఫేస్‌బుక్ మరియు ఇన్‌స్టాగ్రామ్‌లో ప్రకటనలు చూపించడానికి వాట్సాప్ డేటాను (వ్యక్తిగత చాట్స్ కాకుండా, మీ ఆసక్తులు) విశ్లేషిస్తుంది. ఉదాహరణకు, మీరు వాట్సాప్‌లో ఏదైనా బ్రాండ్ గురించి వెతికినా లేదా బిజినెస్ అకౌంట్స్‌తో చాట్ చేసినా, దానికి సంబంధించిన ప్రకటనలు మీకు ఫేస్‌బుక్‌లో కనిపిస్తాయి. దీనిని “క్లిక్ టు వాట్సాప్ యాడ్స్” అంటారు. దీని ద్వారా మెటా సంస్థ ప్రకటనల రూపంలో భారీగా లాభాలను ఆర్జిస్తోంది.

అత్యాధునిక ఫీచర్లు మరియు నిరంతర మార్పులు

వాట్సాప్ తన ప్రయాణంలో ఎన్నో మార్పులను చూసింది. ప్రారంభంలో కేవలం టెక్స్ట్ మెసేజ్‌లకు మాత్రమే పరిమితమైన ఈ యాప్, తర్వాత వాయిస్ కాల్స్, వీడియో కాల్స్, డాక్యుమెంట్ షేరింగ్ వంటి అద్భుత ఫీచర్లను పరిచయం చేసింది. ముఖ్యంగా ఎండ్-టు-ఎండ్ ఎన్‌క్రిప్షన్ (End-to-End Encryption) ఫీచర్ ద్వారా యూజర్ల సందేశాలకు అత్యున్నత భద్రతను కల్పించింది. దీనివల్ల పంపే వ్యక్తి మరియు అందుకునే వ్యక్తి తప్ప మధ్యలో వాట్సాప్ సంస్థ కూడా మీ సందేశాలను చదవలేదు. ఇటీవల వచ్చిన ‘ఛానల్స్’ ఫీచర్ ద్వారా సెలబ్రిటీలు, సంస్థలు తమ ఫాలోవర్లతో నేరుగా టచ్‌లో ఉండే అవకాశం లభించింది. ఇవే కాకుండా మెసేజ్ ఎడిట్ చేయడం, హెచ్‌డీ ఫోటోలు పంపడం, స్క్రీన్ షేరింగ్ వంటి ఫీచర్లు వాట్సాప్‌ను ఇతర మెసేజింగ్ యాప్స్ కంటే ముందంజలో ఉంచాయి.

ఉచితం వెనుక ఉన్న డిజిటల్ వ్యూహం

WhatsApp మొదలైనప్పుడు బహుశా దానిని ప్రారంభించిన వారికి కూడా ఇంతగా అభివృద్ధి చెందుతుందని వాళ్ళు ఊహించి ఉండరు. ప్రారంభ దశలో కేవలం టెక్స్ట్ మెసేజ్ లు మాత్రమే పంపించగలిగే స్థాయి నుండి ఈరోజు ఫోటోలు, వీడియోలు, వీడియో కాల్స్, ఆడియో కాల్స్ అలాగే వాట్సాప్ నుండి డైరెక్ట్ గా బ్యాంకు కి అమౌంట్ ట్రాన్స్ఫర్ చేయడం గొప్ప అభివృద్ధి అని చెప్పవచ్చు.

మనం పంపినటువంటి సమాచారం ఏవరికైతే సెండ్ చేసామో వారు దానిని చూశారా? లేదా? అసలు చేరిందా? అని తెలుసుకునేటటువంటి బ్లూటిక్స్, ప్రైవసీ కోసం చేసుకుంటున్నటువంటి సెట్టింగ్స్ ఇవన్నీ మెల్లమెల్లగా సాంకేతిక పరంగా అభివృద్ధి చెందుతూ వచ్చాయి. విదేశాలలో ఉన్నవారు కేవలం సిమ్ ఆధారంగా మాత్రమే మాట్లాడగలిగే పరిస్థితి ఉన్నప్పుడు లేదా ల్యాండ్ ఫోన్ ద్వారా మాట్లాడగలిగే పరిస్థితి ఉన్నప్పుడు, ఇప్పుడు ఉన్నటువంటి రేట్ల దృష్ట్యా బహుశా కొన్ని వేల రూపాయలు అందుకు ఖర్చు అయ్యేవి. వాట్సప్ యొక్క సాంకేతిక కారణం చేత అందులోనూ ఉచితంగా మనకు దాని యొక్క సేవలను వినియోగించుకునే అవకాశం ఉండడం ద్వారా ఎంతగానో డబ్బులు కాదా అయ్యాయని చెప్పవచ్చు. అలాగే మన ఆత్మీయులు ఎంత దూరంగా ఉన్నా ప్రతి నిత్యం మన కళ్ళ ముందు ఉన్నట్లుగానే వారితో వీడియో కాల్స్ మాట్లాడటం అనేది నిజంగా WhatsApp (వాట్స్అప్) మనకిచ్చినటువంటి ఒక అద్భుతమైన అవకాశం అని చెప్పాలి.

అనేక రకమైనటువంటి పెద్ద పెద్ద కంపెనీలు, మధ్యతరగతి కంపెనీలైన చిన్న చిన్న కంపెనీలైన వాట్స్అప్ ద్వారా గ్రూప్ లను క్రియేట్ చేసి ఒక సమాచారాన్ని ఒక్క క్లిక్ తో కొన్ని వందల మందికి వేల మందికి పంపించగలిగే టెక్నాలజీని, అవకాశాన్ని మనకు ఇచ్చింది. కొన్ని వేల కిలోమీటర్ల దూరంలో ఉన్న, వాట్సాప్ ఛానల్ క్రియేట్ చేసి దాని ద్వారా అనేక రకమైనటువంటి వీడియోలు ఫోటోలు సమాచారాన్ని ప్రపంచంలో ఏ మూలన ఉన్న వారు తీసుకోగలిగి చూడగలిగేటటువంటి అద్భుతమైన ఫీచర్లని అందించింది అని వాట్సాప్ ని పొగడక తప్పడం లేదు. మనం ఇప్పటివరకు వాడినటువంటి ఏ యాప్ అయినా ఏదో ఒక రకమైనటువంటి డిస్టబెన్స్ ఉంటుంది కానీ వాట్సాప్ ఎటువంటి డిస్టబెన్స్ లేకుండా అద్భుతమైన సేవలను ప్రపంచానికి ఉచితంగా ఇస్తూ ఉంది.మొత్తానికి వాట్సాప్ అనేది కేవలం మెసేజింగ్ యాప్ మాత్రమే కాదు, అదొక భారీ డేటా మరియు కమ్యూనికేషన్ హబ్. మనం ఉచితంగా వాడుకుంటున్నప్పటికీ, బిజినెస్ అకౌంట్ల ద్వారా మరియు మెటా ప్రకటనల నెట్‌వర్క్ ద్వారా వాట్సాప్ తన నిర్వహణ ఖర్చులను దాటి వేల కోట్ల లాభాలను గడిస్తోంది.

గమనిక (Disclaimer):

ఈ కథనంలో అందించబడిన సమాచారం కేవలం అవగాహన మరియు విజ్ఞానం కోసం మాత్రమే. వాట్సాప్ మరియు మెటా సంస్థల వ్యాపార నమూనాలు, ఫీచర్లు మరియు విధానాలు కాలానుగుణంగా మారుతూ ఉండవచ్చు. తాజా మరియు అధికారిక సమాచారం కోసం దయచేసి వాట్సాప్ అధికారిక వెబ్‌సైట్ లేదా వారి సేవా నిబంధనలను (Terms of Service) సంప్రదించగలరు. ఈ వ్యాసంలో వ్యక్తీకరించబడిన విశ్లేషణలు వివిధ బహిరంగ వనరుల ఆధారంగా రూపొందించబడ్డాయి.

మరిన్ని అప్డేట్స్ కొరకు వాట్సాప్ చానల్ లో జాయిన్ అవ్వండి.

<p>The post WhatsApp మన నుండి 1 రూపాయి వసూలు చేయదు… కానీ వేల కోట్లు లాభాలు ఎలా వస్తున్నాయి? first appeared on నవయుగం TV.</p>

Dogs Howling: పురాణాల్లో మరియు గ్రామీణ ప్రాంతాల్లో ఉన్న నమ్మకాలు

మన దేశంలో ముఖ్యంగా తెలుగు రాష్ట్రాలలో కుక్కల అరుపుల గురించి రకరకాల నమ్మకాలు చాలానే ఉన్నాయి. కుక్కలు చేసే వింత శబ్దాలను (Dogs Howling) గ్రామస్తులు చాలామంది కుక్కల యొక్క ఏడుపు అని అంటారు. కుక్కలు ఏడిస్తే ఆ వీధిలో ఎవరో ఒకరు చనిపోతారని చాలామంది పెద్దవారు చెపుతారు. అంటే కుక్కల అరుపు మృతికి సంకేతం అని వారు నమ్మకం. కుక్కలకి మనుషుల కంటే అతీతమైన దృష్టి ఉంటుందని, మధ్యాహ్నం ఎవరూ లేని ప్రాంతాలలో, వీధుల్లో, రాత్రిపూట గవినీలలో తిరిగే ఆత్మలను అవి చూడగలవని, కుక్కలకు అదృశ్య శక్తులు ఉన్నాయని మరి కొంతమంది నమ్ముతారు. వీధులలో రాత్రిపూట కుక్కలు అరుస్తూ ఉంటే చాలామంది గ్రామాలలో వాటిని కొట్టి వాటిని నోరు మూపిస్తారు లేదంటే అక్కడి నుంచి తరిమి వేస్తారు. ఎందుకంటే అలా అరిస్తే ఏదైనా కీడు జరుగుతుందని చాలామంది భయపడుతూ ఉంటారు.

కానీ, జంతు శాస్త్రవేత్తలు (Animal Behaviorists) ఈ అరుపుల వెనుక లోతైన సామాజిక మరియు జీవసంబంధిత కారణాలు ఉన్నాయని చెబుతున్నారు.

శాస్త్రీయ కారణాలు: కుక్కలు ఎందుకు ‘హౌలింగ్’ చేస్తాయి?

కుక్కలు సాధారణంగా చేసే ‘బౌ బౌ’ (Barking) కి, రాత్రిపూట చేసే ఈ వింత అరుపుకి (Howling) చాలా తేడా ఉంటుంది. ఈ హౌలింగ్ వెనుక ఉన్న అసలైన కారణాలు ఇవే:

పూర్వీకుల వారసత్వం (Genetic Heritage)

అడవిలో ఉన్నటువంటి తోడేళ్లు తమ కొంపును ఒక చోట చేర్చుకోవటానికి లేదంటే అమ్ము ఇక్కడ ఉన్నాము అని ఇతర తోడేళ్ళకి తెలియచేయడం కోసం అవి ఈ విధంగా ఒక రకమైన వింత శబ్దాలు చేస్తాయి కుక్కలు కూడా తోడేళ్ల జాతికి చెందినవే కాబట్టి వాటిల్లో కూడా ఈ లక్షణం అలాగే ఉండిపోయింది.

కమ్యూనికేషన్ (దూర సమాచారం)

గ్రామాల్లో కుక్కలు ఒకదానికొకటి చాలా దూరంలో ఉంటాయి. రాత్రి పూట నిశ్శబ్దంగా ఉన్నప్పుడు, ఒక వీధిలోని కుక్క చేసే అరుపు మైళ్ల దూరంలో ఉన్న మరో కుక్కకు వినిపిస్తుంది. “నేను ఇక్కడ ఉన్నాను, నువ్వు ఎక్కడున్నావు?” అని అవి మాట్లాడుకోవడానికి ఈ వింత శబ్దాలను ఉపయోగిస్తాయి.

ఒంటరితనం మరియు ఆందోళన (Separation Anxiety)

కుక్కలు సాధారణంగా సామాజిక జంతువులు. అవి ఎప్పుడు గుంపులుగా లేదా మనుషుల మధ్యనే జీవించడానికి ఇష్టపడుతూ ఉంటాయి . ముఖ్యంగా గ్రామీణ ప్రాంతాల్లో కుక్కలు పగటివేలలో మనుషుల మధ్యలోనే ప్రతి ఇంటికి తిరుగుతూ ఉంటాయి. రాత్రి అయ్యేసరికి ఎవరి ఇళ్లలో వాళ్ళు పడుకొని ఉంటారు. అలాంటి సమయాలలో కుక్కలు చాలా ఒంటరితనం ఫీల్ అవుతాయి. అలాంటి సందర్భాలలో కూడా చాలా కుక్కలు తమ ఒంటరిగా ఉన్న బాధని ఈ విధంగా ఒక రకమైన వింత శబ్దం చేస్తూ దీనంగా అరుస్తూ ఉంటాయి.

పరిధిని కాపాడుకోవడం (Territorial Marking)

తమ ప్రాంతంలోకి కొత్త జంతువు లేదా అపరిచిత వ్యక్తి ప్రవేశించినప్పుడు, ఇతర కుక్కలను హెచ్చరించడానికి ఇవి గట్టిగా హౌలింగ్ చేస్తాయి. ఇది ఒక రకమైన ‘అలారం’ లాంటిది.

కుక్కలకు ‘సూపర్ పవర్స్’ ఉన్నాయా?

శాస్త్రీయంగా చూస్తే, కుక్కలకు దయ్యాలను చూసే శక్తి లేకపోయినా, మనుషుల కంటే వేల రెట్లు ఎక్కువ ఘ్రాణ శక్తి (Smell) మరియు శ్రవణ శక్తి (Hearing) ఉంటాయి.
అద్భుతమైన వినికిడి: మనుషులు వినలేని అతి తక్కువ డెసిబుల్ శబ్దాలను కూడా కుక్కలు వినగలవు. కిలోమీటర్ల దూరంలో వచ్చే చిన్నపాటి శబ్దాన్ని కూడా అవి గుర్తిస్తాయి.

అద్భుతమైన వినికిడి:
మనుషులు వినలేని అతి తక్కువ డెసిబుల్ శబ్దాలను కూడా కుక్కలు వినగలవు. కిలోమీటర్ల దూరంలో వచ్చే చిన్నపాటి శబ్దాన్ని కూడా అవి గుర్తిస్తాయి.

అనారోగ్యాన్ని గుర్తించడం:
కుక్కలు మనుషులు శరీరంలో వచ్చే రసాయనిక మార్పులను వాసన ద్వారా పసిగట్టే శక్తి ఉంటుంది. ఎవరికైనా తీవ్రమైన అనారోగ్యం వచ్చినప్పుడు లేదా మంచంలో అనారోగ్యంతో పడి ఉన్నప్పుడు లేదా మరణానికి దగ్గరగా ఉన్నప్పుడు వారి శరీరం నుండి వచ్చే వాసనను కుక్కలు పసిగడతాయి. అప్పుడు అక్కడ జరిగే పరిస్థితిని గురించి తెలియజేయటానికి కుక్కలు ఈ విధంగా వింతగా ప్రవర్తిస్తాయి. దీన్ని చాలా మంది పెద్దవారు ఏమంటారంటే? ” కుక్కలు ఈ విధంగా అరుస్తున్నాయి అంటే అవి చావును పసిగట్టాయి ఎవరికో ఏదో జరగబోతుంది లేదా ఏదో కీడు జరగబోతుంది” అని భావించి భయపడుతూ ఉంటారు.

వాతావరణ మార్పులు మరియు శబ్దాలు

రాత్రిపూట గాలి సాంద్రత మారుతుంది. దీనివల్ల శబ్దం చాలా దూరం ప్రయాణిస్తుంది. దూరంగా ఎక్కడో వెళ్లే వాహనం టైర్ శబ్దం లేదా సైరన్ వినిపించినప్పుడు, కుక్కలు దానికి ప్రతిస్పందనగా (Response) అరుస్తాయి. మనం ఆ శబ్దాన్ని వినలేం కాబట్టి, కుక్క దేనికో భయపడి అరుస్తోంది అని భ్రమపడతాము.

కుక్కల అరుపులకి మనం భయపడాల్సిన అవసరం ఉందా?

నిజానికి కుక్కలు రాత్రిపూట అలా అరవడం అనేది వాటి సహజ సిద్ధమైన ప్రవర్తన. ఇందులో మంత్రాలు, తంత్రాలు లేదా దయ్యాల ప్రమేయం ఏమీ లేదు. అవి కేవలం తమ తోటి కుక్కలతో మాట్లాడటానికి లేదా తమ భావాలను వ్యక్తం చేయడానికి అలా చేస్తాయి.

మీ పెంపుడు కుక్క తరచుగా రాత్రివేళ వింతగా అరుస్తుంటే, దానికి ఏదైనా శారీరక నొప్పి ఉందేమో లేదా భయపడుతుందేమో గమనించండి. పాతకాలపు మూఢనమ్మకాలతో వాటిని హింసించడం సరైనది కాదు.

ప్రకృతిలో ప్రతి జీవికి ఒక రకమైన భాష ఉంటుంది. కుక్కల అరుపు కూడా అలాంటిదే. గ్రామీణ ప్రాంతాలలో వాతావరణంలో వచ్చే మార్పులు అక్కడున్నటువంటి పరిస్థితులు, త్వరగా అందరూ పడుకోవటం వల్ల, సరైన వెల్తురు లేకపోవడం వల్ల, ఎవరు వీధులలో తిరక్కపోవటం వల్ల చిన్న చిన్న శబ్దాలు కూడా పెద్దగా వినిపిస్తాయి. అందుకే ఎక్కువగా గ్రామాలలోనే కుక్కలు ఈ విధంగా వింత శబ్దాలు చేయడం మనం గమనిస్తూ ఉంటాం. నిజానికి పెద్దవారికే కాదు ఇప్పుడున్న జనరేషన్లో వాళ్లు కూడా పట్టణాలలో ఉన్నంత ధైర్యంగా గ్రామాలలో ఉండలేరు. ఎందుకంటే పట్టణాలలో ఉన్న వాతావరణం గ్రామీణ ప్రాంతాలలో ఉన్న వాతావరణం పూర్తిగా ఆపోజిట్ గా ఉంటుంది. పట్టణాలలో ఎటు చూసినా కాంక్రీట్ బిల్డింగులు కనిపిస్తాయి. పట్టణం నిండా ఎక్కడ చూసిన వీధిలైట్లు ఎప్పుడు వెలుగుతూ ఉంటాయి . రాత్రిపూట చాలామంది సంచరిస్తూనే కనిపిస్తారు. అలాగే ఎవరో ఒకరు ఏదో ఒక సందర్భంలో తిరుగుతూనే ఉంటారు. కాబట్టి మనకి అంతగా భయం అనిపించదు కానీ గ్రామాలలో అటువంటి పరిస్థితి ఉండదు . వీలైనంత త్వరగా ఎవరి ఇళ్లల్లోకి వాళ్ళు వెళ్ళిపోతారు. ఒకప్పుడు ఉన్న పరిస్థితి కంటే ఇప్పుడున్న పరిస్థితులు కొంచెం మేలని చెప్పాలి. అప్పట్లో సాయంకాలం దాటిన తర్వాత ఎవరి ఇళ్లల్లోకి వాళ్ళు వెళ్ళిపోతారు. ఎవరు వీధులలో తిరిగేవారు కాదు. ఎందుకంటే అప్పట్లో సరైన వెలుతురు, వీధి దీపాలు ఉండేటివి కావు. కానీ ఇప్పుడు కొంతవరకైనా పరిస్థితులు మారాయి. చాలా గ్రామాలలో వీధి దీపాలు ఉన్నాయి. మొబైల్స్, టీవీలు రావడం వల్ల ప్రతి ఇంటిలో ఏదో ఒక శబ్దం వినిపిస్తూ ఉంటుంది. కానీ అందరూ నిద్ర పోయిన తర్వాత గ్రామం మళ్లీ మేలుకుంటుంది. అక్కడున్నటువంటి వాతావరణము అక్కడున్నటువంటి నిత్యబ్దము, అక్కడున్నటువంటి జీవులని మేలుకొలుపుతాయి. కుక్కలు అటువంటి నిశ్శబ్దమైన సమయాలలోనే ఎక్కువగా స్పందిస్తూ ఉంటాయి . చిన్న చిన్న అలికిడికి కూడా కుక్కలు ఏదో జరగబోతుంది అని గ్రహిస్తాయి. లేదంటే తమ ఒంటరిగా ఉన్నానని ప్రపంచానికి వినిపించేలా అరుస్తాయి. తమ జాతి కుక్కలకి సమాచారం చేరవేస్తాయి. ఇప్పటికీ కుక్క ఆ విధమైన వింత శబ్దం చేస్తే భయపడని వారు ఉండరంటే అతిశయోక్తి కాదు. మీ గ్రామాలలో కూడా ఈ విధంగా జరుగుతుందా మీరు కూడా ఇటువంటి కుక్కల అరుపుకి భయపడ్డారా.

Disclaimer

ఈ ఆర్టికల్‌లో పేర్కొన్న విషయాలు శాస్త్రీయ పరిశోధనలు మరియు సాధారణ జంతు ప్రవర్తన ఆధారంగా రాయబడ్డాయి. గ్రామాల్లో ఉన్న నమ్మకాలపై గౌరవంతో పాటు, అవి శాస్త్రీయంగా నిరూపించబడలేదని గమనించాలి.

ఇప్పుడు మీరు చదివిన సమాచారం మీకు నచ్చిందా? ఎప్పటికప్పుడు ఇటువంటి విషయాలు మీకు చేరాలంటే మా వాట్సాప్ ఛానెల్లో ఇప్పుడే జాయిన్ అవ్వండి. మేము పోస్ట్ చేసే ప్రతి ఆర్టికల్ మిస్ అవ్వకుండా మీకు చేరుతుంది.

<p>The post Night Dogs Howling:రాత్రివేళ కుక్కల ‘వింత’ అరుపులు: దయ్యాల సంకేతమా? first appeared on నవయుగం TV.</p>

ప్రేమ యొక్క మొదటి దశ – వ్యామోహం (Lust)

ప్రేమలో పడడానికి ప్రధానమైన కారణం వ్యామోహం. ఎందుకంటే ఒక వ్యక్తిని చూసినప్పుడు వారి గుణగణాలు తెలియకుండా, వారి కుటుంబం తెలియకుండా, కేవలం ఒక మనిషిని చూసి ఇష్టపడతారు. అంటే వారి యొక్క శరీరాన్ని మనము చూసి మొహం లో పడతాం, దీనినే వ్యామోహం అంటారు. ఇది ప్రేమలో మొదటి అడుగు, ఇది సాధారణ ప్రక్రియ అయినప్పటికీ ఇందులో లోతుగా ఆలోచిస్తే ఇది మానవునిలోని సంతానోత్పత్తి యొక్క కాంక్షలు, అలాగే శరీర ఆకర్షణను కల్పిస్తుంది. ఈ వ్యామోహానికి శాస్త్రీయపరమైనటువంటి కారణమేమంటే టెస్టోస్టిరాన్ మరియు ఈస్ట్రోజెన్ అనే సెక్స్ హార్మోన్లు. సాధారణంగా టెస్టోస్టిరాన్ పురుషులకు మాత్రమే పరిమితమని అనుకుంటారు, కానీ మహిళల్లో కూడా ఇది లైంగిక కోరికలను ప్రేరేపించడంలో ప్రేరేపించడంలో అత్యంత కీలక పాత్ర పోషిస్తుంది. పరిణామ క్రమంలో భాగంగా మానవజాతిని ముందుకు తీసుకెళ్లడానికి తన భాగస్వామిని వెతుక్కునేలా ఈ హార్మోన్లు మనుషులని ప్రేరేపిస్తాయి. ఈ మొదటి దశలో స్త్రీ పురుషుల మధ్య లోతైన భావోద్వేగా భావన, బంధం కంటే శారీరక ఆకర్షణ అనేది ఎక్కువగా ఉంటుంది. ఇది కేవలం ఒక జీవ సంబంధమైనటువంటి ఒక ప్రేరణ మాత్రమే, కానీ ప్రేమకు ఇది పునాది వేస్తుంది.

ఈ దశలో మనం తీసుకునే నిర్ణయాలు పూర్తిగా భావోద్వేగాల ఆధారంగా ఉంటాయి. ఆలోచన కంటే ఆకర్షణ బలంగా పనిచేస్తుంది. అందుకే చాలామంది ఈ దశలో తీసుకున్న నిర్ణయాలను తర్వాత ఆశ్చర్యంగా చూసుకుంటారు.

ప్రేమ యొక్క రెండో దశ – ఆకర్షణ (Attraction)

వ్యామోహం కాస్త బలపడి రెండవ దశకు చేరుకుంటుంది. ఈ రెండవ దశని ఆకర్షణ అంటారు, నిజానికి దశలో ఒక్క వ్యక్తికి “నేను ప్రేమలో పడ్డాను” అనే ఆలోచన కలుగుతుంది. ఈ సమయంలో మానవ యొక్క మెదడు ఒక రకమైనటువంటి మత్తులో ఉంటుంది. దీనికి ప్రధానమైన కారణం డోపమైన్, నోరెపినెఫ్రిన్ మరియు సెరొటోనిన్ అనే రసాయనాల కలయిక. డోపమైన్ మన మెదడులోని ‘రివార్డ్ సిస్టమ్’ను ఉత్తేజపరుస్తుంది. మనకు నచ్చిన వ్యక్తితో ఉన్నప్పుడు లేదా వారి గురించి ఆలోచించినప్పుడు మనకు కలిగే అమితమైన ఆనందానికి ఇదే కారణం. ఇది కొకైన్ వంటి డ్రగ్స్ ఇచ్చే మత్తుతో సమానమని శాస్త్రవేత్తలు చెబుతుంటారు. ఇక నోరెపినెఫ్రిన్ (అడ్రినలిన్) వల్ల మనకు తెలియకుండానే చెమటలు పట్టడం, నోరు ఆరిపోవడం, గుండె వేగంగా కొట్టుకోవడం వంటి లక్షణాలు కనిపిస్తాయి. ఈ దశలో సెరొటోనిన్ స్థాయిలు తగ్గడం వల్ల మనకు ఆ వ్యక్తి గురించి తప్ప వేరే ఆలోచన రాదు. ఇది ఒక రకమైన తాత్కాలిక ‘అబ్సెసివ్ కంపల్సివ్ డిజార్డర్’ (OCD) వంటి స్థితిని కలిగిస్తుంది, అందుకే ప్రేమించిన ప్రేమలో ఉన్నవారు తిండి, నిద్ర మర్చిపోయి పగటి కలలు కంటూ ఉంటారు. దీనికి ప్రధాన కారణం మన శరీరంలో, మెదడులో జరిగే మార్పులే కారణం.

ప్రేమ యొక్క మూడో దశ – అనుబంధం (Attachment)

ఆకర్షణ దశ అనేది ఒక తుపాను లాంటిది, అది ఎల్లకాలం కొనసాగదు. ఒక జంట సుదీర్ఘ కాలం పాటు కలిసి ఉండాలంటే వారు మూడో దశ అయిన ‘అనుబంధం’ (Attachment) లోకి ప్రవేశించాలి. ఈ దశలో ప్రేమ ఉద్వేగాల నుండి ప్రశాంతమైన మరియు నమ్మకమైన బంధంగా మారుతుంది. ఇక్కడ ఆక్సిటోసిన్ మరియు వాసోప్రెస్సిన్ అనే రెండు హార్మోన్లు ముఖ్య భూమిక పోషిస్తాయి. ఆక్సిటోసిన్‌ను ‘కౌగిలింత హార్మోన్’ (Cuddle Hormone) అని కూడా పిలుస్తారు. ఇది కేవలం దంపతుల మధ్యే కాకుండా, తల్లి మరియు బిడ్డల మధ్య బంధాన్ని కూడా బలోపేతం చేస్తుంది. శారీరక సామీప్యం పెరిగినప్పుడు ఈ హార్మోన్ విడుదలయ్యి, ఇద్దరి మధ్య ఒక అవినాభావ సంబంధాన్ని ఏర్పరుస్తుంది. ఇక వాసోప్రెస్సిన్ అనేది భాగస్వామి పట్ల అంకితభావాన్ని, రక్షణ భావాన్ని పెంచుతుంది. ప్రెయిరీ వోల్స్ వంటి జంతువులపై చేసిన పరిశోధనలు ఈ హార్మోన్ల ప్రభావం ఎంత బలంగా ఉంటుందో నిరూపించాయి.

ప్రేమ మీద నా భావన ఏమిటంటే
ప్రేమ గురించి ఎన్ని పరిశోధనలు చేసినా, ప్రేమను పరిపూర్ణంగా అర్థం చేసుకోవడం ఎవరి వల్ల కాదు. నిజానికి ప్రేమ వెనుక రసాయన హార్మోన్లు మరియు జన్యుపరమైన కారణాలు ఉన్నాయని వినడానికి కొంత యాంత్రికంగా అనిపించిన, సైన్స్ ప్రకారం ఈ రసాయన చర్యలే మానవ బంధాలకి, ప్రేమకి, ఆకర్షణకి సాక్ష్యంగా ఉంటున్నాయి. కానీ సైన్స్ ఎన్ని విధాల వివరణలు ఇచ్చిన, ఒక వ్యక్తి పట్ల కలిగే ప్రేమకైన, ఆకర్షణకైన, ఆత్మీయత, అనురాగం, త్యాగం అనేవి ఇప్పటికీ అంతుపట్టని మిస్టరీలే. ఎన్నో విషయాలని మనము ప్రతిరోజు చూస్తూనే ఉంటున్నాము. అమితంగా ప్రేమించిన వ్యక్తిని కడతేరుస్తున్నారు. అల్లారుముద్దుగా పెంచుకున్న బిడ్డని అన్యాయం చేస్తున్నారు. ఒకే మనిషి ప్రేమించగలడు ద్వేషించగలడు, చావగలడు, చంపగలడు ఇన్ని భావోద్వేగాలు ఒక మనిషిలో ఉండటానికి అంతర్గతంగా ఒక శాస్త్రీయ కారణం అయినప్పటికీ, ఇది దేవుని సృష్టిలో ఒక అద్భుతం అని చెప్పవచ్చు. ఒక వస్తువును సరియైన పనికి ఉపయోగించవచ్చు చెడు పనికి ఉపయోగించవచ్చు, టెక్నాలజీని మేలు చేయటానికి ఉపయోగించవచ్చు కీడు చేయడానికి ఉపయోగించవచ్చు, అలాగే మనము కూడా ఒక మనలోని మంచిని అంటే ప్రేమని అభిమానాన్ని ఇతరులకు చూపిస్తే మనం మంచివారగా మిగిలిపోతాము.

మీకు ఈ సమాచారం నచ్చిందా? అయితే ఈ సమాచారం మీ మిత్రులతో మరియు వాట్సప్ గ్రూపుల్లో షేర్ చేయండి!

ఇప్పుడే మా యొక్క వాట్సప్ ఛానల్ లో జాయిన్ అవ్వండి.

<p>The post LOVE: ప్రేమ వెనుక సైన్స్: మనసా? మెదడా? హార్మోన్ల మాయాజాలమా? first appeared on నవయుగం TV.</p>

వాలెంటైన్స్ డే లేదా సెయింట్ వాలెంటైన్స్ డే అనేది ప్రతి సంవత్సరం ఫిబ్రవరి నెలలో 14వ తారీకున జరుపుకునే పండుగ. అయితే ఇది క్రైస్తవ మతానికి చెందినటువంటి, ఒక అమరవీరుడి జ్ఞాపకార్థంగా మొదలై కాలక్రమేనా రూపాంతరం చెంది, మతపరమైనటువంటి హద్దులను దాటేసి ప్రపంచవ్యాప్తంగా ఉన్నటువంటి ప్రేమికులకు తమ ప్రేమను వ్యక్తపరచుకునే అతిపెద్ద సాంస్కృతిక వేడుకగా మారిపోయింది.

సెయింట్ వాలెంటైన్ ఎవరు? (చరిత్ర పుటల్లోని రహస్యం)

వాలెంటెన్స్ డే (Valentine’s Day) వెనుక ఉన్నటువంటి కథ ఒక్కటి కాదు. ఎందుకంటే చరిత్రకారుల అభిప్రాయాల ప్రకారం, రోమన్ క్యాథలిక్ చర్చిలో కనీసము ముగ్గురు ముగ్గురు వేర్వేరు “వాలెంటైన్” అనే పేర్లు కలిగిన సెయింట్స్ ఉండేవారు. వీరందరూ ఒకే కాలంలో మరణించిన అమరవీరులు.

క్లాడియస్ II మరియు నిషేధించబడిన పెళ్లిళ్లు, దారితీసిన పరిస్థితులు

చరిత్ర ప్రకారం అత్యంత ప్రాచుర్యం పొందినటువంటి ఒక కథ ఉంది. దాని ప్రకారం క్రీస్తుశకం 3 శతాబ్దంలో రోమ్ సామ్రాజ్యాన్ని క్లాడియస్ II (Claudius II) అనే చక్రవర్తి పరిపాలించేవాడు.అతడు అత్యంత క్రూరమైన వాడు, తన యొక్క సామ్రాజ్యాన్ని విస్తరించడం కోసం సైన్యాన్ని మరింతగా బలమైనదిగా తయారు చేయాలనుకున్నాడు. అయితే పెళ్లైన పురుషులు తమ భార్యాబిడ్డలను వదిలేసి యుద్ధానికి రావడానికి ఇష్టపడడం లేదని అతడు భావించాడు. అందుకోసం అతడు ఒక ప్రణాళికను వేసుకొని యువకులు ఎవరు పెళ్లిళ్లు చేసుకోకూడదు అనే ఒక విచిత్రమైన చట్టాన్ని తీసుకొని వచ్చాడు.

క్లాడియస్ II (Claudius II) తీసుకుని వచ్చినటువంటి ఆ చట్టాన్ని ఆ సమయంలో వాలెంటైన్ అనే క్రైస్తవ గురు తీవ్రంగా వ్యతిరేకించాడు. ప్రేమకు అడ్డుకట్ట వేయడం అన్యాయమని భావించి, క్లాడియస్ II (Claudius II) చక్రవర్తికి తెలియకుండా, రహస్యంగా ఆయన యువతి, యువకులకు వివాహాలు జరిపించడం మొదలుపెట్టాడు. ఈ విషయం చక్రవర్తి అయినా క్లాడియస్ II (Claudius II) కి తెలియడంతో ఆయన వాలెంటైన్ ని జైలులో పెట్టి మరణశిక్ష విధించాడు.

జైలులో పుట్టినటువంటి ఒక ప్రేమ సందేశం

వాలెంటైన్ జైల్లో ఉన్న సమయంలో ఒక అద్భుతం జరిగిందని కూడా కొందరు చెబుతారు. అదేమిటంటే వాలెంటైన్ ను బంధించినటువంటి జైలర్ కూతురు ఒక అంధురాలు. వాలెంటైన్ తన ప్రార్థనలతో ఆమెకు కంటిచూపు తెప్పించాడనే ఒక కథ కూడా ఉంది. వాలెంటైన్ మరణశిక్షకు వెళ్లడానికి ముందు ఆమెకు ఒక చిన్న లేఖ రాస్తాడు. అందులో “From your Valentine” అని సంతకం చేస్తాడు. నేటికీ ప్రపంచవ్యాప్తంగా అనేకమంది ప్రేమికులు తమ సందేశాలలో ఈ విధంగా వాడుతూనే ఉన్నారు.

చివరికి, క్రీ.శ. 270, ఫిబ్రవరి 14న వాలెంటైన్‌ను ఉరితీశారు. ఆయన ప్రేమ కోసం చేసిన త్యాగం ప్రజల హృదయాల్లో నిలిచిపోయింది.

లుపర్కాలియా (Lupercalia): ప్రాచీన రోమన్ల పండుగ

వాలెంటైన్స్ డే (Valentine’s Day) అనేది వాలెంటైన్స్ డే కేవలం క్రైస్తవ మతానికి సంబంధించింది మాత్రమే కాదు. దీని మూలాలు అంతకంటే ప్రాచీనమైన రోమన్ పండుగ ‘లుపర్కాలియా’ లో కూడా ఉన్నాయి. ఆ పండుగలో ఒక వింత సంప్రదాయం ఉండేది. ఆ రోజుల్లో యువతులు తమ పేర్లను ఒక డబ్బాలో వేసే వాళ్ళు. యువకులు అందులో నుండి ఒక చీటీని తీసి ఆ వచ్చిన పేరు గల యువతీతో ఆ యువకుడు ఆ ఏడాది మొత్తము కలిసి జీవిస్తారు, అంటే సహజీవనం చేసేవారు. చాలా వరకు ఆ విధంగా కలిసి జీవించినటువంటి జంటలు తర్వాత పెళ్లి చేసుకునేవారు. 5వ శతాబ్దంలో పోప్ గెలాసియస్ ఈ లుపర్కాలియా పండుగను “అనైతికం” అని భావించి దానిని రద్దు చేశాడు. దానిని క్రైస్తవ పద్ధతిలో ఫిబ్రవరి 14న సెయింట్ వాలెంటైన్ జ్ఞాపకార్థం జరుపుకోవాలని నిర్ణయించారు.

మధ్యయుగంలో ప్రేమ మరియు కవిత్వం దాని ప్రతిఫలం

వాలెంటైన్స్ డే కు ఒక రొమాంటిక్ ముద్ర పడటానికి మధ్యయుగ కవులు కూడా ఒక కారణం. ముఖ్యంగా ప్రసిద్ధ కవి జెఫ్రీ చాసర్ (Geoffrey Chaucer) 1382లో రాసిన “Parliament of Foules” అనే కవితలో, పక్షులు తమ జంటను ఎంచుకోవడానికి ఫిబ్రవరి 14న సమావేశమవుతాయని రాశాడు. అప్పటి నుండి వాలెంటైన్స్ డే ఒక రొమాంటిక్ సెలవు దినంగా ప్రాచుర్యం పొందింది.

వాలెంటైన్స్ వీక్: ఎనిమిది రోజుల వేడుక

మీకు తెలుసా ప్రస్తుతం మనకు తెలిసినటువంటి సమాచారం ఏంటంటే ఫిబ్రవరి 14 అనేది మాత్రమే ప్రేమికుల రోజు అని అనుకుంటారు. నిజానికి కేవలం ఒక్క రోజుకు మాత్రమే వాలెంటైన్స్ డే (Valentine’s Day) అనే పండుగ పరిమితం కాలేదు. దీనిని ఒక వారం అంతా జరుపుకునే వారు. దీనిని వాలెంటైన్స్ (Valentine’s week) వీక్ అని కూడా అంటారు. ఆ వారం అంతా ఏ విధంగా సెలబ్రేషన్ చేసుకుంటారో తెలుసా?

ఫిబ్రవరి 7 – రోజ్ డే (Rose Day): గులాబీ పువ్వులతో ప్రేమను వ్యక్తపరుస్తారు.
ఫిబ్రవరి 8 – ప్రపోజ్ డే (Propose Day): తమ మనసులోని మాటను ధైర్యంగా చెబుతారు.
ఫిబ్రవరి 9 – చాక్లెట్ డే (Chocolate Day): మధురమైన చాక్లెట్లతో బంధాన్ని తీపి చేసుకుంటారు.
ఫిబ్రవరి 10 – టెడ్డీ డే (Teddy Day): క్యూట్ టెడ్డీ బేర్లను బహుమతిగా ఇస్తారు.
ఫిబ్రవరి 11 – ప్రామిస్ డే (Promise Day): జీవితాంతం తోడుంటామని ప్రమాణం చేస్తారు.
ఫిబ్రవరి 12 – హగ్ డే (Hug Day): ఆత్మీయ ఆలింగనంతో అనురాగాన్ని పంచుకుంటారు.
ఫిబ్రవరి 13 – కిస్ డే (Kiss Day): ప్రేమను ముద్దుతో ముద్రిస్తారు.
ఫిబ్రవరి 14 – వాలెంటైన్స్ డే (Valentine’s Day): ముగింపు వేడుక.

వాలెంటైన్స్ డే (Valentine’s Day) కోసం ప్రపంచమంతా ఎందుకు ఎదురు చూస్తుంది

వాలెంటైన్స్ డే (Valentine’s Day) కోసం ప్రపంచ వ్యాప్తంగా ఉన్నటువంటి అనేకమంది ప్రజలు ఎదురు చూస్తారు. ఈ విధంగా ఎదురు చూడడానికి అనేక రకాల సామాజిక మరియు మానసికమైనటువంటి కారణాలు కూడా ఉన్నాయి. ప్రతినిత్యం బిజీ గా ఉండే జీవితంలో మనకు ఇష్టమైన వారి కోసం మనం ప్రేమను వ్యక్తపరచడం కూడా మర్చిపోతూ ఉంటాం. అటువంటి బిజీ లైఫ్ లో వాలెంటెన్స్ డే అనేది ఒక జ్ఞాపకంగా మన ఇష్టమైన వారికి ప్రేమను వ్యక్త పరచడం, అలాగే అందరినీ తమ ఆత్మీయుల దగ్గరకు చేర్చడం, వంటి మధురానుభూతులను ఈ వాలెంటెన్స్ డే గుర్తుచేస్తుంది. అలాగే పెద్ద పెద్ద కంపెనీలు వాలెంటైన్స్ డే (Valentine’s Day) ని ఒక భారీ ఈవెంట్ గా ప్లాన్ చేస్తారు. ఫిబ్రవరి నెలలోనే ప్రతి సంవత్సరం బిలియన్ల డాలర్లకు కొద్దిగా వ్యాపారం జరుగుతుంది. రకరకాల ఆఫర్లు, గిఫ్ట్స్ విపరీతంగా అమ్ముడు పోతాయి. దాని ద్వారా కోట్ల రూపాయల వ్యాపారం కూడా జరుగుతుంది.

ప్రపంచ వ్యాప్తంగా వివిధ దేశాల్లో వాలెంటైన్స్ డే (Valentine’s Day) ఎలా జరుపుకుంటారు

మన దేశంలో మనం అనుకున్నట్లుగా అందరూ వాలెంటెన్స్ డే ని ఒకే విధంగా సెలబ్రేట్ చేసుకోరు. జపాన్లో అయితే అమ్మాయిలు అబ్బాయిలకు చాక్లెట్ ఇస్తారు, దానికి బదులుగా తిరిగి అబ్బాయిలు మార్చి 14వ తారీఖున వైట్ డే రోజు వారికి బహుమతులు ఇస్తారు. దక్షిణ కొరియాలో విచిత్రంగా సాధారణంగా వాలంటైన్స్ డే జరుపుకున్న దానికి ఆపోజిట్ గా ఏప్రిల్ 14న (వైట్ డే) ను జరుపుకుంటారు. ఎవరైతే సింగిల్ గా ఉండి బహుమతులు అందుకోలేకపోయారో అటువంటివారు నల్లని నూడిల్స్ తింటూ తమ బాధను వ్యక్తపరచుకుంటూ ఉంటారు.

నేటి కాలంలో వాలెంటెన్స్ డే యొక్క ప్రాముఖ్యత ఏమిటి.

ప్రస్తుత కాలంలో, డిజిటల్ యుగంలో వాలెంటెన్స్ డే అనేది సోషల్ మీడియా వేదికగా మారిపోయింది. ఇంస్టాగ్రామ్ లో రీల్స్ చేస్తారు. వాట్సాప్ లో స్టేటస్ లు పెడతారు.ప్రపంచానికి తమ ప్రేమను చాటి చెప్పడం అనేది ఒక ట్రెండింగ్ గా ఫీల్ అవుతారు. అయితే మరి కొంతమంది విచ్చలవిడితనానికి నాంది పలుకుతారు. అర్థం పర్థం లేని ఆలోచనలతో, ప్రేమ అనే భ్రమలో, వ్యామోహానికి, ప్రేమకి అర్థం తెలియని యువత ఫిబ్రవరి 14న తమ ప్రేమను వ్యక్తపరచుకుంటారు. ఇలాగ ప్రేమను వ్యక్తపరచుకున్నటువంటి అనేక మంది జంటలు మళ్లీ మరుసటి సంవత్సరం ఫిబ్రవరి 14 కల్లా విడిపోయే వారు కోకోనలుగా ఉన్నారు . ఎందుకంటే ఆకర్షణతో పుట్టే ప్రేమ ఎప్పటికీ నిలవదు. హృదయాన్ని చూసి కలిగే ప్రేమ ఇటువంటి వాలెంటైన్స్ డే (Valentine’s Day) లు ఎన్ని వచ్చినా సెలబ్రేట్ చేసుకుంటూనే ఉంటారు. నిజానికి వాలంటైన్స్ డే అనేది ప్రేమను వ్యక్తపరిచే రోజు అయినా, ఆ ప్రేమను ఎవరికి, ఎప్పుడు, ఏ విధంగా వ్యక్త పరచాలి అని తెలుసుకోవడం ముఖ్యం. ప్రేమకు వయసుతో సంబంధం లేదు అని అంటారు. కానీ అది నిజం కాదు, నిజమైన ప్రేమ ఒక వయసులోనే మొదలవుతుంది. ఆ వయసు కంటే ముందుగా మొదలైన ప్రేమలు ఆకర్షణలుగా మిగిలిపోతాయి. సరైన వయసులో ప్రేమ కలగకుండా ఒక వయసు దాటిన తర్వాత కలిగే ప్రేమ చాలామంది జీవితాలలో వ్యామోహం గానే మిగిలిపోతుంది. అంటే ప్రపంచమంతా చెప్పుకున్నట్లు ప్రేమకు వయసుతో సంబంధం లేదు అని అంటారు కదా! అది నా దృష్టిలో పూర్తిగా తప్పు . ఎవరైతే బాధ్యతగా బ్రతుకుతారో అటువంటి వారికి ప్రేమ కూడా బాధ్యతగా అనిపిస్తుంది. ఎవరైతే బాధ్యత లేకుండా జులాయిగా తిరుగుతారో, అటువంటి వారికి ప్రేమ అనేది ఒక ఆకర్షణగా మిగులుతుంది. ఎవరైతే బాధ్యతలు పంచుకుంటూ ప్రేమను అనుభవిస్తూ, మరొకరిని చూసి ప్రేమిస్తారో అటువంటి వారికి అది వ్యామోహం గా ఉంటుంది. కాబట్టి ప్రేమకి వయసు ఉంది, సమయము ఉంది, సందర్భం ఉంది. ప్రేమ ఎవరిని మోసం చేయదు. కానీ ప్రేమించే మనమే ఆ ప్రేమను మోసం చేస్తూ ఉంటాం. ఎందుకంటే ఆ ప్రేమ గురించి మనకు పూర్తిగా తెలియదు కదా? అందరికీ వాలెంటైన్స్ డే (Valentine’s Day) శుభాకాంక్షలు.

ఇటువంటి ఆసక్తికరమైనటువంటి సమాచారం కోసం మా వెబ్సైట్ ని ఫాలో అవ్వండి.మీకు ఈ సమాచారం నచ్చితే మీ ఫ్రెండ్స్, ఫ్యామిలీకి షేర్ చేయడం మర్చిపోవద్దు.

<p>The post Valentine’s Day చరిత్ర – ఎందుకు జరుపుకుంటారు? పూర్తి కథ & అసలు నిజం first appeared on నవయుగం TV.</p>

ది అమెరికన్ డ్రీమ్’ (The American Dream)

ఈ కారుని 1986 సంవత్సరంలో జే ఓహ్‌బర్గ్ (Jay Ohrberg) అనే వ్యక్తి తయారు చేశారు. దీనిని 1976 మోడల్ కాడిలాక్ ఎల్డోరాడో (Cadillac Eldorado) కారు ఆధారంగా ది అమెరికన్ డ్రీమ్’ (The American Dream) అనే కారు రూపుదిద్దుతుంది. అయితే ఈ కారుని ఒక కంపెనీ లేదంటే పేరు మోసిన బ్రాండ్ తయారు చేయలేదు . దీనిని కేవలం ఒక స్క్రాప్ లేదా స్పేర్ పార్ట్లు తీసుకుని మాత్రము తయారు చేశారు. ఈ కారు తయారు చేయటానికి సంవత్సరాల తరబడి విసిగిపోకుండా ఒక కారు ల కాకుండా అది ఒక డ్రీమ్ ప్రాజెక్టుల భావించి జే ఓహ్‌బర్గ్ (Jay Ohrberg) అనే వ్యక్తి ఈ కారుని తయారు చేశారు. ఈ కారుని తయారు చేసిన తర్వాత దీనిని చూసిన వాళ్ళందరూ ఆశ్చర్యంతో నోరెళ్లపెట్టారు. ఎందుకంటే ఈ కారుకు ఉన్నటువంటి ప్రత్యేకత అటువంటిది.

ఈ కారు దాదాపుగా 100 అడుగుల (సుమారు 30.5 మీటర్లు) కంటే ఎక్కువ పొడవు ఉంటుంది. ఇది కేవలం దాని పొడవు వల్లనే కాదు దానిలో ఉన్నటువంటి అద్భుతమైన సౌకర్యాలు వల్ల కూడా ప్రపంచవ్యాప్తంగా ప్రసిద్ధి చెందింది. ఈ కారులో 75 మందికి పైగా కూర్చోవచ్చు. వీఐపీల కోసం రెక్లైనింగ్ సీట్లతో కూడిన ప్రత్యేక సెక్షన్ కూడా ఈ కారులో రూపొందించారు. ఈ కారుకి మొత్తం 26 చక్రాలు అమర్చబడ్డాయి.

మరి ఈ కారు యొక్క లగ్జరీ విషయానికి వస్తే ఈ కారులో ఒకేసారి ఆరుగురు ఉపయోగించగలిగేంత పెద్ద స్విమ్మింగ్ పూల్ మరియు జాకుజీ (Jacuzzi) సౌకర్యం ఇందులో ఉన్నాయి. ఇందులో ఒక మినీ గోల్ఫ్ కోర్స్ కూడా తయారు చేశారు. అలాగే ఈ కారులో ఒక హెలికాప్టర్ దిగటానికి వీలుగా ప్రత్యేకమైన ఏర్పాటు కూడా అంటే హెలిపాడ్ కూడా నిర్మించి పెట్టారు. అయితే ఇంత పొడవైన కారు మలుపు ఎలా తిరుగుతుంది అనే సందేహం చాలా మందికి వచ్చింది. అయితే మలుపు తిరిగేటప్పుడు దీనికోసం ఒక ప్రత్యేకమైనటువంటి ఏర్పాటు చేశారు. అది ఏమిటంటే కారు మధ్యలో ఒక హింజ్ (Hinge) అమరచబడి ఉంటుంది. దీనివల్ల ఈ కారు రెండు భాగాలుగా తయారు చేయబడడంతో ఈ కారు హింజ్ (Hinge) సహాయంతో మూలల వద్ద సులభంగా తిరగటానికి వీలు అవుతుంది.

ది అమెరికన్ డ్రీమ్’ (The American Dream) కారు ఎక్కడ ఉంది

ఈ కారు ప్రపంచంలోనే అత్యంత పొడవైన కారుగా గిన్నిస్ బుక్ ఆఫ్ రికార్డులో స్థానం సంపాదించుకుంది. అయితే ఈ కారుని అమెరికాలోని ఫ్లోరిడాలో ఉన్న ఒర్లాండో డెజర్‌ల్యాండ్ పార్క్ కార్ మ్యూజియం (Dezerland Park Car Museum, Orlando, Florida)లో ఉంది. ప్రస్తుతం ఈ కారు 2002లో పూర్తిగా మరమ్మతులు ఆటో మ్యూజియంలో భద్రపరిచారు.

<p>The post ప్రపంచంలోనే అత్యంత లగ్జరీ కార్ అందులో స్విమ్మింగ్ పూల్, మినీ గోల్ఫ్ కోర్స్, హెలిపాడ్ ఎక్కడుందో తెలుసా? first appeared on నవయుగం TV.</p>