SBI Mutual Fund Scheme: రూ.10,000 SIP ను రూ.1.27 కోట్లుగా మార్చిన ఫండ్

భారతదేశంలో మధ్యతరగతి ప్రజల యొక్క స్థితిగతులను మార్చి వేయడంలో మ్యూచువల్ ఫండ్స్ అనేవి కీలక పాత్ర పోషిస్తున్నాయి. ముఖ్యంగా ‘సిస్టమాటిక్ ఇన్వెస్ట్‌మెంట్ ప్లాన్’ (SIP) ద్వారా తక్కువ మొత్తంలో పెట్టుబడి పెట్టి దీర్ఘకాలంలో భారీ మొత్తంలో లాభాలు అర్ధించవచ్చని మార్కెట్ విశ్లేషణలు చాలానే నిరూపించాయి. తాజాగా భారత దేశంలోని ఫండ్ హౌస్ అయిన ఎస్‌బీఐ మ్యూచువల్ ఫండ్ (SBI AMC) కు చెందినటువంటి కొన్ని పాత స్కీమ్స్ ఇన్వెస్టర్లపై కాసులు వర్షం కురిపించాయి. కేవలం 20 ఏళ్ల కాలంలోనే సాధారణ పెట్టుబడిదారులను కోటీశ్వరులుగా మార్చినటువంటి ఆ ఫండ్స్ వివరాలు, వాటి వెనుక ఉన్నటువంటి ఆర్థిక సూత్రాలను మనం కూడా తెలుసుకుందాం.

ఎస్‌బీఐ కాంట్రా ఫండ్ (SBI Contra Fund): ఒక అద్భుత ప్రస్థానం

ఎస్బిఐ యొక్క మ్యూచువల్ ఫండ్స్ జాబితాలో అత్యంత పురాతనమైనది మరియు అత్యంత ఆకర్షణీయమైనది ‘ఎస్‌బీఐ కాంట్రా ఫండ్’ ఇది ఒక వ్యూహంతో నడిచేటటువంటి ఫండ్. అంటే మార్కెట్లో అందరూ వెళ్లే దారిలో కాకుండా ప్రస్తుతము అత్యంత డిమాండ్ తక్కువగా ఉండి భవిష్యత్తులో అధిక లాభాలు సాధించగలిగేటటువంటి స్టాక్స్ ని మాత్రమే ఇది గుర్తిస్తుంది.

గణాంకాలు ఇలా ఉన్నాయి:
గత 20 ఏళ్ల కాలంలో ఈ ఫండ్ అందించిన రాబడులు చూస్తే ఎవరైనా ఆశ్చర్యపోవాల్సిందే.
నెలవారీ పెట్టుబడి: రూ. 10,000
పెట్టుబడి కాలం: 20 ఏళ్లు
మొత్తం ఇన్వెస్ట్ చేసిన సొమ్ము: రూ. 24,00,000 (24 లక్షలు)
ప్రస్తుత విలువ: సుమారు రూ. 1.27 కోట్లు
వార్షిక రాబడి (XIRR): 14.67%
ఈ గణాంకాలు చూస్తే అర్థమయ్యే విషయం ఏమిటంటే, మార్కెట్ ఒడిదుడుకులకు లోనైనప్పటికీ, ఓపికగా పెట్టుబడులు కొనసాగించిన వారికి మాత్రమే అధిక మొత్తంలో లాభాలు వచ్చాయని గమనించవచ్చు.

SBI ELSS టాక్స్ సేవర్: పన్ను ఆదా.. భారీ లాభం

ఎస్బిఐ నుంచి మరొక అద్భుతమైన స్కీం “SBI ELSS Tax Saver Fund” ట్యాక్స్ సేవర్ ఫండ్. ఇది సెక్షన్ 80c కింద పన్ను మినహాయింపు ఇవ్వడమే కాకుండా ఇన్వెస్ట్ చేసినటువంటి ఇన్వెస్టర్లకి వారి యొక్క సొమ్ముని మల్టీ బ్లాగర్ రిటర్న్ గా ఇది మార్చి ఇస్తుంది. గత 20 సంవత్సరాల లో ఈ ఫండింగ్లో పెట్టుబడి పెట్టిన వారికి నెలకు పదివేల రూపాయలు చొప్పున ఇన్వెస్ట్ చేసిన వారికి, ఇప్పుడు దాదాపుగా 1.25 కోట్ల రూపాయల వరకు లాభాలు ఆర్జించి పెట్టాయి. ముఖ్యంగా పన్ను ఆదా చేసుకుంటేనే కోటీశ్వరులు కావచ్చని ఈ ఫండ్ నిరూపించింది.

ఐసీఐసీఐ ప్రూడెన్షియల్ వాల్యూ ఫండ్: అందరికంటే టాప్!

మ్యూచువల్ ఫండ్స్ విశ్లేషణ సంస్థ ‘ఈటీ మ్యూచువల్ ఫండ్స్’ నివేదిక ప్రకారం, గత 20 సంవత్సరాల లో అత్యధికమైన రిటర్న్స్ ఇచ్చిన జాబితాలో ICICI Prudential Value Fund మొదటి స్థానంలో నిలిచింది. వాల్యూ ఇన్వెస్టింగ్ అంటే తక్కువ ధరలో ఉన్నటువంటి క్వాలిటీ స్టాక్స్ ని కొనడం అనే సూత్రం ఎంత శక్తివంతమైనదో ఈ ఫలితాలను చూసినప్పుడు మనకు అర్థమవుతుంది.
రాబడి శాతం: 17.59% (XIRR)

రూ. 10 వేల SIP విలువ: ఏకంగా రూ. 1.83 కోట్లు.

ఇతర SIP టాప్ పెర్ఫార్మింగ్ ఫండ్స్ జాబితా

గత రెండు దశాబ్దాలలో ఇన్వెస్టర్ల సంపదను కోట్లలోకి తీసుకెళ్లిన మరో కొన్ని ప్రముఖ ఫండ్స్ ఇక్కడ ఉన్నాయి:

ఫండ్ పేరు	గత 20 ఏళ్ల వార్షిక రాబడి	రూ.10,000 SIP విలువ
Canara Robeco Large & Mid Cap	17.06%	రూ. 1.71 కోట్లు
HDFC ELSS Tax Saver	–	రూ. 1.17 కోట్లు
HDFC Focused Fund	–	రూ. 1.17 కోట్లు
Kotak Large Cap Fund	–	రూ. 1 కోటి పైచిలుకు
HDFC Large & Mid Cap Fund	–	రూ. 1.05 కోట్లు

ఈ డేటా ప్రకారం, మొత్తం 82 ఫండ్స్‌ను విశ్లేషించగా అందులో 63 ఫండ్స్ ఇన్వెస్టర్ల పెట్టుబడిని రూ. 1 కోటి కంటే ఎక్కువ చేశాయి.

ఈ రిటర్న్స్ వెనుక ఉన్న రహస్యం: పవర్ ఆఫ్ కాంపౌండింగ్

చాలామందికి ఒక సందేహం రావచ్చు నెలకు 10000 రూపాయలు పెట్టుబడి పెడితే 20 సంవత్సరాలలో మనం కట్టేది కేవలం 24 లక్షలే కదా అయితే అది కోటి రూపాయలు ఎలా అవుతుంది అనే సందేహం మనలో చాలామందికి వస్తుంది అయితే దీనికి సమాధానం ‘కాంపౌండింగ్’ (Compound Interest).

ఆల్బర్ట్ ఐన్‌స్టీన్ కాంపౌండింగ్‌ను ‘ప్రపంచపు ఎనిమిదో వింత’ అని పిలిచారు. మ్యూచువల్ ఫండ్స్ లో మనకు వచ్చే లాభం మళ్లీ పెట్టుబడిగా మారుతుంది. దీనివల్ల కాలం గడిచే కొద్దీ మనము అసలు కంటే వడ్డీ మీద వచ్చే లాభమే వేగంగా పెరుగుతుంది. ఇదే దీనికున్నటువంటి ప్రత్యేకత. మొదటి పది సంవత్సరాలలో పెట్టినటువంటి పెట్టుబడి పెరిగే దాని కంటే చివరి ఐదు సంవత్సరాలలో మన యొక్క సంపాదన పెరిగే అవకాశం చాలా ఎక్కువగా ఉంటుంది. అందుకే దీర్ఘకాలిక పెట్టుబడులకు చాలామంది ప్రాధాన్యత ఇస్తూ ఉంటారు.

రిస్క్ మరియు రివార్డ్: ఇన్వెస్టర్లు గమనించాల్సిన అంశాలు

ఈక్విటీ మ్యూచువల్ ఫండ్స్‌లో పెట్టుబడి పెట్టడం అంటే చాలా రిస్క్ తో కూడుకున్న పని. కానీ ఈ రిస్క్ ని ఎలా మేనేజ్ చేయాలో తెలిసినప్పుడే మనకి లాభాలు సొంతమవుతాయి. వాటిలో మార్కెట్ ఒడిదుడుకులు ఒకటి.2008 ఆర్థిక సంక్షోభం, 2020 కరోనా సంక్షోభం వంటి సమయాల్లో మార్కెట్లు భారీగా పడిపోయాయి. అప్పుడు భయపడి పెట్టుబడి వెనక్కి తీసుకున్న వారు చాలా నష్టపోయారు. కానీ క్రమశిక్షణతో కొనసాగించిన వారు ఈ రోజు కోటీశ్వరులుగా మారారు. సరైన ఫండింగ్ ఎంపిక అనేది చాలా ముఖ్యం. కేవలం గత రిటర్న్స్ చూసి మాత్రమే కాకుండా ఫండ్ మేనేజర్ ట్రాక్ రికార్డ్, ఎక్స్‌పెన్స్ రేషియో (Expense Ratio) వంటివి చూసి నిర్ణయం తీసుకోవాలి.

కొత్త ఇన్వెస్టర్లు ఏం చేయాలి? (స్టెప్-బై-స్టెప్ గైడ్)

మనలో చాలామందికి క్రొత్తగా ఇన్వెస్ట్ చేయాలంటే అనేక రకాల సందేహాలు వస్తుంటాయి. వాటిని అన్నింటి గురించి ఒక విషయంలో మనం తెలుసుకుందాం. మొదటిగా మన యొక్క లక్ష్యాన్ని నిర్దేశించుకోవాలి. మనకు డబ్బులు ఎందుకు కావాలి? మనకోసమా? మన పిల్లల కోసమా? లేదా మన పిల్లల యొక్క పెళ్లి కోసమా? లేదా రిటైర్మెంట్ కోసమా? ఇల్లు కొనడానికి? వంటి అంశాలను తెలుసుకొని ఎటువంటి ఫండ్స్ ని సెలెక్ట్ చేసుకోవాలి ? అనేది మనము మొదటగా ఫండ్స్ ని సెలెక్ట్ చేసుకోవాలి. SIP మార్గాన్ని సరైన విధంగా మార్చుకోవడం, ఒకేసారి కాకుండా నెలకు కొంత మొత్తాన్ని కేటాయించడం వల్ల మార్కెట్ ఒడిదుడుకుల నుండి మనకు రక్షణగా ఉంటుంది. అంటే మనం ఏదైనా ఒక ఒక దానిలో పెట్టుబడి పెట్టాలంటే ఒకేసారి ఎక్కువ మొత్తంలో కాకుండా ప్రతినెల కొద్ది మొత్తంలో మనం ఇన్వెస్ట్ చేయడం అనేది మనకు చాలా నేర్పిస్తుంది. అలాగే మన డబ్బును అంతా ఒకే విధమైన ఫండింగ్లో పెట్టకుండా వాటిని విభజించుకోవాలి అంటే లార్జ్ క్యాప్, మిడిల్ క్యాప్, మరియు స్మాల్ క్యాప్ ఫండింగ్స్ వంటి వాటిగా విభజించుకొని వాటిలో పెట్టుబడి పెట్టాలి. అలాగే ప్రతి సంవత్సరము మన యొక్క పోర్టు పోలియోను సమీక్షించుకోవాలి. అంటే మన పర్ఫామెన్స్ ఎలా ఉంది. మీదైనా మార్పులు చేయాలా లేదంటే ఇందులోనే కొనసాగాలా అనే విషయాన్ని మనము కచ్చితంగా ఆలోచించాలి దానికి అనుకూలంగా మనము మన నిర్ణయాలను మార్చుకోవచ్చు.

ఎస్‌బీఐ కాంట్రా ఫండ్ లేదా ఐసీఐసీఐ వాల్యూ ఫండ్ వంటి స్కీమ్స్ నిరూపించిన సత్యం ఒక్కటే.. “మార్కెట్లో సమయం గడపడం (Time in the market) అనేది మార్కెట్‌ను టైమ్ చేయడం (Timing the market) కంటే ముఖ్యం”. నేడు మీరు చేసే రూ.5,000 లేదా రూ.10,000 చిన్న పెట్టుబడి, భవిష్యత్తులో మీ ఆర్థిక స్వేచ్ఛకు (Financial Freedom) పునాది అవుతుంది.

డిస్క్లైమర్ (Disclaimer): ఈ కథనం కేవలం సమాచారం కోసం మాత్రమే. మ్యూచువల్ ఫండ్ పెట్టుబడులు మార్కెట్ రిస్క్‌లకు లోబడి ఉంటాయి. పెట్టుబడి పెట్టే ముందు మీ ఆర్థిక సలహాదారుని సంప్రదించండి.

మీకు ఈ సమాచారం నచ్చిందా? అయితే ఈ సమాచారం మీ మిత్రులతో మరియు వాట్సప్ గ్రూపుల్లో షేర్ చేయండి!

తరచుగా అడిగే ప్రశ్నలు (FAQs)

SIP అంటే ఏమిటి?

SIP (Systematic Investment Plan) అనేది ప్రతి నెల ఒక స్థిర మొత్తాన్ని మ్యూచువల్ ఫండ్‌లో పెట్టుబడి పెట్టే విధానం. ఇది మార్కెట్ వోలాటిలిటీ ప్రభావాన్ని తగ్గించి, దీర్ఘకాలంలో సంపద పెరగడానికి సహాయపడుతుంది.

₹10,000 SIP నిజంగా కోట్లకు పెరగగలదా?

అవును. దీర్ఘకాలం (15–20 ఏళ్లు) పాటు క్రమంగా పెట్టుబడి కొనసాగిస్తే, కంపౌండింగ్ ప్రభావంతో ₹10,000 SIP కూడా కోటి రూపాయలు దాటే అవకాశముంది. ఇది ఫండ్ పనితీరు మరియు మార్కెట్ పరిస్థితులపై ఆధారపడి ఉంటుంది.

SBI Contra Fund అంటే ఏమిటి?

SBI Contra Fund అనేది కాంట్రా స్ట్రాటజీ అనుసరించే ఈక్విటీ ఫండ్. మార్కెట్‌లో తక్కువగా గుర్తింపు పొందిన స్టాక్స్‌లో పెట్టుబడి పెట్టి దీర్ఘకాలంలో అధిక రాబడులు అందించడమే దీని లక్ష్యం.

SIP మరియు లంప్‌సమ్ పెట్టుబడిలో ఏది మంచిది?

మార్కెట్ టైమింగ్ తెలియని సాధారణ పెట్టుబడిదారులకు SIP ఉత్తమం. లంప్‌సమ్ పెట్టుబడి మార్కెట్ తక్కువగా ఉన్నప్పుడు మంచిది, కానీ రిస్క్ ఎక్కువ.

SIP లో రిస్క్ ఉంటుందా?

అవును. SIP కూడా మార్కెట్ రిస్క్‌కు లోబడి ఉంటుంది. కానీ దీర్ఘకాలం పెట్టుబడి పెట్టడం వల్ల షార్ట్ టర్మ్ వోలాటిలిటీ ప్రభావం తగ్గుతుంది.

ELSS ఫండ్ అంటే ఏమిటి?

ELSS (Equity Linked Savings Scheme) ఒక టాక్స్ సేవింగ్ మ్యూచువల్ ఫండ్. Section 80C కింద పన్ను మినహాయింపు లభిస్తుంది. 3 సంవత్సరాల లాక్-ఇన్ ఉంటుంది.

About the Author

Ashok.K

Author

Visit Website View All Posts