నెలసరి పీరియడ్స్ ప్రతి ఆడవారికి ఇది సర్వసాధారణం. కానీ పీరియడ్స్ సమయం దగ్గరపడే కొద్దీ చాలామంది ఆడవారిలో ఆందోళన ఎక్కువగా అవుతుంది. దానికి కారణము కూడా లేకపోలేదు. పీరియడ్స్ సమయంలో వచ్చే నొప్పి లేదా ఒక విధమైన బాధ నుండి ఎలా ఉపశమనం పొందాలో కొంతమంది నిపుణులు కొన్ని సూచనలు చేస్తున్నారు. అవి ఏమిటో ఇప్పుడు తెలుసుకుందాం.
ప్రతి ఆడవారు తెలుసుకోవాల్సిన పీరియడ్స్ సూపర్ ఫుడ్!
సాధారణంగా పీరియడ్స్ సమయంలో పొత్తికడుపులో నొప్పి రావడం, నడుము నొప్పి రావడం లేదా ఒక రకమైన Uneasy feeling ఉండడం — అనేక రకాల ఇబ్బందులు ఎదురవుతాయి. మరి కొంతమందికైతే నొప్పి కాస్త ఎక్కువగానే ఉంటుంది. చాలామంది కొంతవరకు ఉపశమనం కోసం మందులు వాడటం, రకరకాల పద్ధతులు పాటించడం వంటి వాటిని చేస్తూ ఉంటారు.
అయితే, రాగులు పీరియడ్స్ నొప్పికి ఎలా సంబంధించినవి? అవి ఎలా మనకు ఉపయోగపడతాయి? ఇప్పుడు తెలుసుకుందాం.
రాగుల్లో యాంటీ ఆక్సిడెంట్లు అధికంగా
రాగులలో యాంటీ ఆక్సిడెంట్లు చాలా ఎక్కువగా ఉంటాయి. ఇవి మనలోని ఒత్తిడిని తగ్గించి చక్కని ఆక్సిజన్ మనకు అందిస్తాయి.
దీంతో పీరియడ్స్ సమయంలో వచ్చేటటువంటి నొప్పుల నుండి కానీ ఇబ్బందిల నుండి కానీ ఉపశమనం లభిస్తుంది.
మెగ్నీషియం అధికంగా ఉండటం వల్ల లాభాలు
రాగులలో అధిక మోతాదులో మెగ్నీషియం ఉంటుంది.
ఇది నొప్పులను న్యాచురల్‌గా తగ్గించి కండరాలను రిలాక్స్ చేస్తుంది.
గర్భసీమలో ఉన్నటువంటి సంకోచాలను కొంతవరకు అదుపు చేసి,
పీరియడ్స్‌లో ఉండే నొప్పిని తగ్గించడంలో కీలక పాత్ర పోషిస్తుంది.
కాల్షియం సమృద్ధిగా ఉండే రాగులు
రాగులలో క్యాల్షియం అధికంగా ఉంటుంది. ఇది పాలు కంటే కూడా ఎక్కువ.
ఇది గర్భసీమ కండరాలకు ఎంతో ఉపయోగపడుతుంది.
కాల్షియం:
- నరాలను,
- కండరాలను,
- వాటిలో జరిగే స్పందనలను
నియంత్రించి, కండరాల సంకోచాలు లేదా వ్యాకోచాల వల్ల కలిగే నొప్పి తగ్గేలా చేస్తుంది.
ఐరన్ అధికంగా – బలహీనతను తగ్గించే రాగులు
పీరియడ్స్ సమయంలో చాలామందికి బలహీనత, అలసట ఎక్కువగా ఉంటుంది.
దీన్ని తగ్గించడానికి శరీరానికి ఐరన్ అత్యవసరం.
కొంతమందికి:
- అధిక రక్తస్రావం
- ఎక్కువ రోజులు పీరియడ్స్
వంటి సమస్యలు ఉంటాయి.
ఇవి రక్తహీనతకు దారి తీస్తాయి.
రాగులలో ఐరన్ శాతం ఎక్కువగా ఉండటం వల్ల, రాగులతో చేసిన ఆహారం తీసుకోవడం ద్వారా రక్తహీనత నుండి బయటపడవచ్చు.
రాగులు తినని వారికి సలహా
కొంతమందికి రాగులు లేదా రాగి పిండితో చేసిన వంటకాలు ఇష్టంగా ఉండకపోవచ్చు.
అయినా, ప్రతి రోజు కాకపోయినా, పీరియడ్స్ వచ్చే సమయం ముందు కొన్ని రోజులు రాగులతో చేసిన వంటకం తీసుకుంటే—
- శరీరంలో మంచి మార్పులు వస్తాయి
- పీరియడ్స్ నొప్పి తగ్గుతుంది
- రక్తహీనత తగ్గుతుంది
- ఆరోగ్యం మెరుగవుతుంది
గమనిక:
ఇది కేవలం కొంతమంది ఆరోగ్య నిపుణులు ఇచ్చిన సమాచారం ఆధారంగా తెలియజేసిన కథనం మాత్రమే.
ఆరోగ్యానికి సంబంధించిన ఏ ఇబ్బందులైనా, పీరియడ్స్ సమయంలో తీవ్రమైన సమస్యలు ఉన్నా తక్షణమే డాక్టర్‌ని సంప్రదించడం మంచిది.
About the Author
