అగరబత్తి తయారీ బిజినెస్ | ₹30,000 పెట్టుబడితో నెలకు ₹2 లక్షల వరకు ఆదాయం | Complete Business Guide
“రోజూ ఉదయం దేవుడి ముందు వెలిగే అగరబత్తి… సాయంత్రం ఆలయాల్లో పరిమళించే అగరబత్తి… ప్రతి ఇంటి పూజా గదిలో, ప్రతి దేవాలయంలో, ప్రతి శుభకార్యంలో తప్పనిసరిగా ఉండే ఈ చిన్న కర్ర మీ జీవితాన్ని కూడా మార్చగలదని ఎప్పుడైనా ఆలోచించారా?”
కేవలం కొన్ని వేల రూపాయల పెట్టుబడితో ప్రారంభించి, లక్షల రూపాయల టర్నోవర్ సాధించిన చిన్న వ్యాపారాల జాబితాలో అగరబత్తి తయారీ పరిశ్రమ కూడా ఒకటి. ఉద్యోగం కోసం సంవత్సరాల తరబడి ఎదురు చూడాల్సిన అవసరం లేకుండా, ఇంటి నుంచే ప్రారంభించగలిగే ఈ వ్యాపారం మహిళలు, యువత, నిరుద్యోగులు, స్వయం ఉపాధి కోరుకునేవారికి మంచి అవకాశంగా నిలుస్తోంది.
భారతదేశంలో ప్రతి రోజు కోట్ల సంఖ్యలో అగరబత్తులు వినియోగిస్తారు. ఇళ్లలో పూజలకే కాదు, దేవాలయాలు, మసీదులు, చర్చిలు, ఆశ్రమాలు, యోగా కేంద్రాలు, ధ్యాన కేంద్రాలు, హోటళ్లు, స్పాలు, గిఫ్ట్ ప్యాక్స్ వంటి అనేక రంగాల్లో కూడా అగరబత్తులకు నిరంతర డిమాండ్ ఉంటుంది. ఈ డిమాండ్ కారణంగా ఇది సీజన్తో సంబంధం లేకుండా సంవత్సరం పొడవునా ఆదాయం తెచ్చిపెట్టే వ్యాపారంగా గుర్తింపు పొందింది.
చాలామంది పెద్ద ఫ్యాక్టరీ, భారీ పెట్టుబడి ఉంటేనే పరిశ్రమ ప్రారంభించవచ్చని అనుకుంటారు. కానీ అగరబత్తి తయారీ విషయంలో అది నిజం కాదు. చిన్న స్థాయిలో చేతితో ప్రారంభించి, తర్వాత సెమీ ఆటోమేటిక్ లేదా ఫుల్ ఆటోమేటిక్ యంత్రాలతో వ్యాపారాన్ని విస్తరించవచ్చు. సరైన నాణ్యత, మంచి సువాసన, ఆకర్షణీయమైన ప్యాకింగ్, సమర్థవంతమైన మార్కెటింగ్ ఉంటే స్థానిక మార్కెట్తో పాటు రాష్ట్రవ్యాప్తంగా, దేశవ్యాప్తంగా, అవసరమైతే విదేశాలకు కూడా మీ బ్రాండ్ను తీసుకెళ్లే అవకాశం ఉంటుంది.
ఈ ఆర్టికల్లో అగరబత్తి తయారీ వ్యాపారం గురించి పెట్టుబడి ఎంత అవసరం? ఏయే యంత్రాలు కావాలి? ముడి పదార్థాలు ఎక్కడ దొరుకుతాయి? నెలకు ఎంత లాభం వస్తుంది? కస్టమర్లను ఎలా సంపాదించాలి? సొంత బ్రాండ్ను ఎలా నిర్మించాలి? ప్రభుత్వ రుణాలు, సబ్సిడీలు ఎలా పొందాలి? వంటి ప్రతి అంశాన్ని స్టెప్ బై స్టెప్, పూర్తిగా అర్థమయ్యే విధంగా తెలుసుకుందాం.
మీ ఇంట్లో ఖాళీగా ఉన్న ఒక గది… రోజుకి రెండు మూడు గంటల సమయం… అంతే! వీటితోనే నెలకు రూ. 15,000 నుండి రూ. 40,000 వరకు సంపాదించే అవకాశం ఉన్న బిజినెస్ ఏదైనా ఉందా అంటే, దానికి సమాధానం “అగరబత్తి తయారీ బిజినెస్”. భారతదేశంలో ప్రతి ఇంట్లో, ప్రతి గుడిలో, ప్రతి పండుగలో వాడే వస్తువు ఇది. డిమాండ్ ఎప్పటికీ తగ్గదు. పెట్టుబడి తక్కువ, మిషన్ ధర కూడా అందుబాటులో ఉంటుంది, ప్రభుత్వం కూడా ఈ చిన్న తరహా పరిశ్రమను ప్రోత్సహిస్తోంది. ఉద్యోగాలు దొరకని ఈ రోజుల్లో, సొంతంగా నిలబడాలనుకునే వారికి ఇది ఒక మంచి అవకాశం.
ఈ బిజినెస్ అంటే ఏమిటి? ఇది చేయటానికి అవసరమైనవి ఏమిటి? ఎంత ఖర్చవుతుంది.
అగరబత్తి అంటే తెలియని వారు ఉండరు. మనదేశంలో ఏ మారుమూల ప్రాంతానికి వెళ్లిన అక్కడ మనకు కచ్చితంగా ఒక గుడి కనిపిస్తుంది. ఆ గుడిలో దేవుని పూజించటానికే ప్రతి ఒక్కరూ కచ్చితంగా ఉపయోగించేది అగరబత్తి. సువాసనలు వెదజల్లి అక్కడ ఉండే వాతావరణాన్ని ఎంత ఆహ్లాదకరంగా మార్చగలిగే ఒక మంచి వస్తువు ఏమి ఉంటుంది అంటే అదే ఖచ్చితంగా అగరబత్తి.
అగరబత్తి తయారీ అంటే వెదురు కర్రలు (బాంబూ స్టిక్స్) మీద సుగంధ ద్రవ్యాల మిశ్రమాన్ని (పరిమళ పొడి, జిగురు పొడి, నీరు కలిపిన పేస్ట్ను) పూత పూయడం ద్వారా అగరబత్తులను తయారు చేయడం. ఈ ప్రక్రియను చేతితో (హ్యాండ్ మేడ్) కానీ, చిన్న మిషన్ల సహాయంతో కానీ చేయవచ్చు. తయారైన అగరబత్తులను ఎండబెట్టి, ప్యాకింగ్ చేసి, స్థానిక దుకాణాలకు, హోల్సేల్ డీలర్లకు లేదా నేరుగా వినియోగదారులకు అమ్మవచ్చు. ఇది కనీస పెట్టుబడితో ప్రారంభించి, క్రమంగా పెద్ద యూనిట్గా విస్తరించుకోగల బిజినెస్.
ఎందుకు ఈ బిజినెస్ చేయాలి? అగరబత్తి చేయడం ఎందుకంత సులువైన పని
మొదటిది, ఇది మతపరమైన, సాంస్కృతిక అవసరానికి సంబంధించిన ఉత్పత్తి కావడంతో అగరబత్తి వ్యాపారానికి డిమాండ్ తగ్గే అవకాశం ఉండదు. భారతదేశంలో ఉన్న ప్రతి హైందవుల యొక్క పూజకు ఖచ్చితంగా అగరబత్తి కావలసి ఉంటుంది. రెండోది, ముడి సరుకు ఖర్చు తక్కువగా ఉంటుంది, తయారీ ప్రక్రియ సులభంగా ఉంటుంది – ఈ వ్యాపారం చేయడానికి చదువు అవసరం లేదా టెక్నికల్ నైపుణ్యం కావాలి అనే అవసరం ఏమీ ఉండదు, రెండు మూడు రోజుల్లో నేర్చుకోవచ్చు. మూడోది, ఇంటి నుంచే మహిళలు, వృద్ధులు, నిరుద్యోగ యువకులు కూడా సులభంగా చేయగలిగే పని. నాలుగోది, స్థానికంగానే కాక ఆన్లైన్లో కూడా దేశవ్యాప్తంగా అమ్మే అవకాశం ఉంది. ఐదోది, ఖాదీ మరియు గ్రామీణ పరిశ్రమల కమిషన్ (KVIC) వంటి ప్రభుత్వ సంస్థలు సబ్సిడీలు, రుణాలు అందిస్తున్నాయి.
అగరబత్తి బిజినెస్ కి మార్కెట్ డిమాండ్ ఉంటుందా ?
భారతదేశ అగరబత్తి యొక్క ఉత్పత్తిలో ప్రపంచంలో అతి పెద్ద దేశాలలో ఒకటి, వినియోగంలో కూడా అగ్రస్థానంలో ఉన్న కూడా ఎక్కువ భాగం దిగుమతుల మీదనే ఆధారపడి ఉంటుంది. ఈ పరిస్థితి స్థానికంగా తయారీదారులకు మంచి అవకాశం అని చెప్పుకోవచ్చు. ఆంధ్రప్రదేశ్, తెలంగాణ, రాష్ట్రాలలోనే కాకుండా అనేక రాష్ట్రాలలో గుడులు, ఇళ్లలో కూడా పూజకు అగరబత్తిని వినియోగిస్తారు. అలాగే ఫంక్షన్ల సమయాలలో, పండుగ సమయాలలో విపరీతమైన డిమాండ్ ఉంటుంది. ముఖ్యంగా దసరా, దీపావళి, శ్రావణమాసం, కార్తీక మాసం వంటి సమయాల్లో విపరీతమైనటువంటి డిమాండ్ పెరుగుతుంది. వినాయక చవితి వచ్చిందంటే 13 రోజులు వినాయకుడి దగ్గర అగరబత్తి వాసనలు వెదజల్లుతూనే ఉంటాయి. చిన్న తయారీదారులు స్థానిక దుకాణాల నుంచి మొదలుపెట్టి, క్రమంగా జిల్లా స్థాయి, రాష్ట్ర స్థాయి సప్లై చైన్లలోకి ఎదగటానికి మంచి అవకాశం ఉంటుంది.
అగరబత్తి బిజినెస్ ప్రారంభించడానికి ఏమి కావలసి ఉంటుంది
అగరబత్తి బిజినెస్ మొదలుపెట్టడానికి పెద్దగా కావాల్సిన అంటూ ఏమీ ఉండవు. ఒక చిన్న గది లేదా ఒక చిన్న షెడ్డు ఉంటే సరిపోతుంది. అగరబత్తి తయారీ మిషన్ కొనవచ్చు లేదా చేత్తోనే తయారు చేయవచ్చు. తయారీకి ముడి సరుకులు, ఎండబెట్టడానికి స్టాండులు లేదా ట్రేలు ప్యాకింగ్ మెటీరియల్ అంటే అగరబత్తి తయారు చేసిన తర్వాత ప్యాకింగ్ చేయడానికి కావలసినటువంటి ప్యాకింగ్ మెటీరియల్ ఉంటే సరిపోతుంది . తయారు చేయటానికి ఒకటి రెండు రోజులు శిక్షణ తీసుకుంటే సరిపోతుంది. తయారుచేసిన అగరబత్తులను అమ్మటానికి మొదటిగా మన చుట్టుపక్కల ఉన్నటువంటి స్థానిక దుకాణాలతో మాట్లాడుకుని వారికి సప్లై చేస్తే సరిపోతుంది.
అగరబత్తి బిజినెస్ ప్రారంభించడానికి పెట్టుబడి ఎంత కావలసి ఉంటుంది
చేతితో చేసే చిన్న స్థాయి యూనిట్గా ప్రారంభించాలి అనుకుంటే రూ. 15,000 – రూ. 30,000తో మొదలుపెట్టవచ్చు (రోలింగ్ బోర్డు, ముడి సరుకులు, ప్యాకింగ్ మెటీరియల్తో సహా). సెమీ-ఆటోమేటిక్ మిషన్తో యూనిట్ పెట్టాలంటే రూ. 60,000 – రూ. 1.5 లక్షల వరకు పెట్టుబడి అవసరం అవుతుంది. పూర్తి ఆటోమేటిక్ మిషన్తో పెద్ద యూనిట్ అయితే రూ. 3 లక్షల నుంచి రూ. 5 లక్షల వరకు పెట్టుబడి అవసరం కావచ్చు. మొదట చేత్తోనే తయారు చేసి మన చుట్టుపక్కల ఉన్న దుకాణాలకు అమ్ముకొని తర్వాత అనుభవం వచ్చాక చిన్న మిషన్ కొని వ్యాపారం ప్రారంభిస్తే బాగుంటుంది అని నా యొక్క సలహా!
బిజినెస్ ప్రారంభించడానికి షాప్ అవసరమా? ఇంటి నుంచే చేయవచ్చా?
ఈ బిజినెస్ చేయటానికి ప్రత్యేకంగా షాప్ అవసరం అంటూ ఏమీ లేదు. ఇంట్లోనే ఖాళీగా ఉన్న ఒక గదిని ఉపయోగిస్తే సరిపోతుంది. లేదంటే ఒక చిన్న షెడ్డులోనైనా తయారు చేయవచ్చు. అయితే ఎండబెట్టడానికి మనం ఇంటి మీద ఉన్నటువంటి ఖాళీ ప్రాంతాన్ని ఉపయోగించవచ్చు లేదా తగినంత గాలి వెలుతురు ఉండే స్థలంలో ఎండబెట్టి తయారు చేయొచ్చు. ముఖ్యంగా అమ్మడానికి కోసం ప్రత్యేకంగా ఒక షాప్ పెట్టాల్సిన అవసరం అంటూ ఏమీ ఉండదని నా అభిప్రాయం. ఎందుకంటే మొదటగా చిన్నచిన్న కిరాణా షాపులు, పూజ సామాగ్రి అమ్మే దుకాణాలు లేదా హోల్ సేల్ షాపులు లేదా డోర్ టు డోర్ మార్కెటింగ్ అయినా చేయొచ్చు. ఒక బైక్ ఉంటే ఆ బైక్ లోనైనా అమ్ముకోవచ్చు. ఇప్పుడున్న కాలంలో మనం ఆన్లైన్లో కూడా వాటిని అమ్మి డబ్బులు సంపాదించవచ్చు.
అగరబత్తి వ్యాపారం ప్రారంభించడానికి ఎంత మంది కావాలి?
ఈ వ్యాపారం చేయడానికి స్టార్టింగ్ సమయంలో ఒకరు లేదా ఇద్దరు కుటుంబ సభ్యులు ఉంటే ఈ వ్యాపారం ప్రారంభించవచ్చు. బిజినెస్ కొద్దిగా పెరిగాక, తయారు చేయడానికి ఇద్దరు కానీ ముగ్గురు కానీ ఉంటే సరిపోతుంది. అలాగే ప్యాకింగ్ చేయడానికి ఒకరు కానీ ఇద్దరు కానీ ఉంటే ఈ బిజినెస్ చేసుకోవడం చాలా ఈజీ అవుతుంది. ముఖ్యంగా ఇది చదువుకొని ఖాళీగా ఉన్నటువంటి యువతి, యువకులకు అలాగే గ్రామీణ ప్రాంతాలలో ఉండే మహిళలకు, ఇంటి దగ్గరే ఉండి డబ్బు సంపాదించాలి అనే వారికి మంచి ఉపాధి అవకాశం అని చెప్పవచ్చు.
అగరబత్తి తయారు చేయటానికి కావలసినటువంటి మిషన్లు పరికరాలు ఏమిటి
ప్రధానంగా అగరబత్తిని తయారు చేయటానికి ఇద్దరు మనసులు ఉంటే సరిపోతుంది. చేతితో ఈజీగా తయారు చేయవచ్చు చేతితో తయారు చేయాలంటే వారికి కేవలం రోలింగ్ బోర్డు, సువాసనలు కలపటానికి కావలసినటువంటి డబ్బాలు ఉంటే సరిపోతుంది. మిషన్ తో ప్రారంభించాలంటే మాన్యువల్, సెమీ ఆటోమేటిక్, లేదా ఆటోమేటిక్ మిషన్లు అందుబాటులో ఉన్నాయి. పౌడర్ మిక్సింగ్ మిషన్, డ్రైయింగ్ ట్రేలు, ప్యాకింగ్ చేయడానికి కావలసిన పరికరాలు అవసరం అవుతాయి.
అగరబత్తి తయారు చేయటానికి కావలసినటువంటి రా మెటీరియల్స్
అగర్బత్తి తయారు చేయటానికి కావలసినటువంటి ముడి సరుకులు కిరాణా షాపులలో కూడా దొరుకుతాయి లేదా ఆన్లైన్లో కూడా ఆర్డర్ చేసుకొని తెచ్చుకోవచ్చు. వాటికి కావాల్సిన పదార్థాలు ఏమిటంటే? వెదురు కర్రలు (బాంబూ స్టిక్స్), జిగురు పొడి (జిగత్ పౌడర్), చార్కోల్ పొడి, సుగంధ ద్రవ్యాల పరిమళాలు (పర్ఫ్యూమ్ ఆయిల్స్ – రోజ్, జాస్మిన్, సాండల్ వంటివి), రంగు పొడులు, ప్యాకింగ్ కవర్లు మరియు లేబుళ్లు ప్రధాన ముడి సరుకులు.
అగరబత్తి వ్యాపారం ప్రారంభించడానికి లైసెన్స్లు & రిజిస్ట్రేషన్
అగరబత్తి తయారీ వ్యాపారం చిన్న స్థాయిలో ప్రారంభించాలన్నా, పెద్ద పరిశ్రమగా అభివృద్ధి చేయాలన్నా చట్టబద్ధంగా వ్యాపారం నిర్వహించడం చాలా ముఖ్యం. సరైన లైసెన్సులు, రిజిస్ట్రేషన్లు ఉంటే బ్యాంకు రుణాలు, ప్రభుత్వ సబ్సిడీలు, హోల్సేల్ డీలర్లు, సూపర్ మార్కెట్లు మరియు ఆన్లైన్ మార్కెట్లతో వ్యాపారం చేయడం సులభమవుతుంది.
ప్రారంభ దశలో అన్ని లైసెన్సులు ఒకేసారి అవసరం కాకపోవచ్చు. అయితే వ్యాపారం విస్తరించే కొద్దీ అవసరమైన అనుమతులను తీసుకోవడం మంచిది. Udyam (MSME) Registration – అత్యంత ముఖ్యమైన రిజిస్ట్రేషన్, (MSME రిజిస్ట్రేషన్) చేయించుకోవడం కూడా మంచిది – దీనివల్ల ప్రభుత్వ పథకాలు, రుణాలు అందుబాటులోకి వస్తాయి. స్థానిక పంచాయతీ లేదా మున్సిపాలిటీ నుంచి ట్రేడ్ లైసెన్స్, GST రిజిస్ట్రేషన్ (టర్నోవర్ పరిమితి దాటితే) అవసరం కావచ్చు. ఖాదీ మరియు గ్రామీణ పరిశ్రమల కమిషన్ (KVIC) పథకాల ద్వారా శిక్షణ మరియు సబ్సిడీ పొందే అవకాశం కూడా ఉంది.
వ్యాపారం చేయడానికి మనకు మొదట్లో నెలకు ఎంత ఖర్చు అవుతుంది
ముడి సరుకుల ఖర్చు (వెదురు కర్రలు, పరిమళాలు, జిగురు పొడి), కరెంటు బిల్లు, ప్యాకింగ్ మెటీరియల్, రవాణా ఖర్చు, సిబ్బంది జీతాలు (ఉంటే) కలిపి చిన్న యూనిట్కి నెలకు రూ. 20,000 – రూ. 40,000 వరకు ఖర్చు అవుతుంది. ఇది ఉత్పత్తి పరిమాణాన్ని బట్టి మారుతుంది.
నెలవారీ ఆదాయం & లాభం
మనం ఇంట్లోనే రోజుకి 5 నుండి 10 కిలోల అగరబత్తులు తయారు చేయగలిగితే నెలకి 30 నుండి 50 వేల రూపాయల వరకు సంపాదించవచ్చు చిన్నస్థాయి యూనిట్ పెట్టుకొని రోజుకు 15 నుండి 20 కిలోలు అగరబత్తులు తయారు చేయగలిగితే నెలకు 60 వేల నుండి లక్ష రూపాయల వరకు అమ్మి ఆదాయం సంపాదించవచ్చు. చిన్న వ్యాపారంలో పెద్దగా జీతాలు ఇవ్వాల్సిన అవసరం ఏమీ ఉండదు కాబట్టి నెలకి 10 నుండి 15 వేల రూపాయలు ఖర్చులు పోగా 30 వేల రూపాయలు వరకు మనకి వచ్చే అవకాశం ఉంటుంది. చిన్న స్థాయి యూనిట్ అయితే నెలకు 20 నుండి 30 వేల రూపాయలు ఖర్చులు పోగా 40 నుండి 70 వేల రూపాయల వరకు సంపాదించే అవకాశం ఉంటుంది. హోల్సేల్ డీలర్లు లేదా షాపులతో మనం సరైన వ్యాపార సంబంధాలు పెట్టుకొని ఉంటే ఈ ఆదాయం మరింత పెరిగే అవకాశం కూడా లేకపోలేదు
కస్టమర్లను ఎలా సంపాదించాలి?
స్థానిక పూజా సామాగ్రి దుకాణాలు, కిరాణా షాపులు, గుడుల దగ్గర దుకాణాలను నేరుగా సంప్రదించి శాంపిల్స్ ఇవ్వడం ద్వారా మొదలుపెట్టవచ్చు. హోల్సేల్ మార్కెట్లలో డీలర్లతో సంబంధాలు ఏర్పరచుకోవడం, స్థానిక ఫంక్షన్ హాళ్లు, గుడి కమిటీలతో నేరుగా టై-అప్ చేసుకోవడం మంచి ఫలితాలు ఇస్తుంది. మీ సొంత బ్రాండ్ పేరు, లేబుల్తో ప్యాకింగ్ చేస్తే గుర్తింపు మరింత పెరుగుతుంది.
మార్కెటింగ్ ఎలా చేయాలి?
మొదట స్థానిక ప్రాంతంలో ఉచిత శాంపిల్స్ పంపిణీ చేసి నాణ్యతను తెలియజేయాలి. ప్రత్యేకమైన సువాసనలు (సాండల్వుడ్, రోజ్, జాస్మిన్, నాగ్చంపా వంటివి) అందించడం ద్వారా పోటీలో ప్రత్యేకంగా నిలబడవచ్చు. పండుగల సీజన్లలో ప్రత్యేక కాంబో ప్యాక్లు, డిస్కౌంట్లు ఇవ్వడం అమ్మకాలను పెంచుతుంది. హోల్సేల్ డీలర్లకు కమిషన్ ఆధారిత భాగస్వామ్యం ఆఫర్ చేయడం కూడా మంచి వ్యూహం.
సోషల్ మీడియా ద్వారా ఎలా అమ్మాలి?
WhatsApp బిజినెస్ ఖాతా ద్వారా స్థానిక కస్టమర్లకు నేరుగా ఆర్డర్లు తీసుకోవచ్చు. Facebook, Instagram పేజీలలో తయారీ ప్రాసెస్ వీడియోలు, ప్యాకింగ్ ఫోటోలు పోస్ట్ చేయడం ద్వారా నమ్మకాన్ని పెంచుకోవచ్చు. Amazon, Flipkart, Meesho వంటి ఈ-కామర్స్ ప్లాట్ఫారమ్లలో సొంత బ్రాండ్తో లిస్ట్ చేసుకుంటే దేశవ్యాప్తంగా అమ్మకాలు చేయవచ్చు. YouTube ఛానల్లో తయారీ విధానం చూపిస్తూ బ్రాండ్ అవగాహన పెంచుకోవడం కూడా ఉపయోగకరం.
ఈ బిజినెస్తో పాటు ఇంకే బిజినెస్ చేయవచ్చు?
అగరబత్తితో పాటు కర్పూరం బిళ్లలు, ధూప్ కడ్డీలు (ధూప్ బత్తి), పూజా సామాగ్రి కిట్లు (కుంకుమ, పసుపు, దీపం వత్తులు), పూల దండలు తయారీ వంటి అనుబంధ ఉత్పత్తులను కూడా జోడించవచ్చు. ఇవి ఒకే కస్టమర్ బేస్కి అమ్మగలిగే ఉత్పత్తులు కావడంతో అదనపు పెట్టుబడి లేకుండానే ఆదాయాన్ని పెంచుకోవచ్చు.
ఎదురయ్యే సమస్యలు & పరిష్కారాలు
వర్షాకాలంలో అగరబత్తులు సరిగ్గా ఆరకపోవడం ఒక ప్రధాన సమస్య – దీనికి పరిష్కారంగా ఇండోర్ డ్రయింగ్ రూమ్ లేదా ఫ్యాన్/హీటర్ ఏర్పాటు చేసుకోవచ్చు. మార్కెట్లో పోటీ ఎక్కువగా ఉండటం వల్ల ధర ఒత్తిడి ఉంటుంది – దీనికి నాణ్యత, ప్రత్యేక సువాసనలతో తేడా చూపించాలి. ముడి సరుకుల ధరలు మారుతుండటం వల్ల లాభాల మార్జిన్ ప్రభావితం కావచ్చు – దీనికి బల్క్లో కొనుగోలు చేయడం మేలు. ప్రారంభంలో మార్కెట్ నెట్వర్క్ లేకపోవడం సమస్య కావచ్చు – దీనికి స్థానిక సంబంధాలు, డీలర్ల ద్వారా క్రమంగా విస్తరించుకోవాలి.
విజయవంతం కావడానికి చిట్కాలు
నాణ్యతలో ఎప్పుడూ రాజీ పడకూడదు – ఇదే దీర్ఘకాలిక వ్యాపార విజయానికి కీలకం. ప్రత్యేకమైన సువాసనలు, ఆకర్షణీయమైన ప్యాకింగ్తో బ్రాండ్ గుర్తింపు పెంచుకోవాలి. హోల్సేల్ డీలర్లతో దీర్ఘకాలిక సంబంధాలు నిర్మించుకోవాలి. ఖర్చులను జాగ్రత్తగా లెక్కించుకుంటూ, లాభాలను తిరిగి బిజినెస్లో పెట్టుబడిగా పెట్టి క్రమంగా విస్తరించుకోవాలి. ప్రభుత్వ పథకాలు, సబ్సిడీలను సద్వినియోగం చేసుకోవాలి.
ప్రభుత్వ రుణాలు, సబ్సిడీలు ఎలా పొందాలి?
భారత ప్రభుత్వం మరియు రాష్ట్ర ప్రభుత్వాలు చిన్న పరిశ్రమలకు పలు పథకాల ద్వారా ఆర్థిక సహాయం అందిస్తున్నాయి.
అర్హతలు, రుణ పరిమితులు, సబ్సిడీలు కాలానుగుణంగా మారవచ్చు. కాబట్టి దరఖాస్తు చేసే ముందు సంబంధిత అధికారిక వెబ్సైట్ లేదా జిల్లా పరిశ్రమల కేంద్రం (DIC)లో తాజా వివరాలు నిర్ధారించుకోవాలి.
సాధారణంగా పరిశీలించదగిన పథకాలు:
PMEGP (Prime Minister’s Employment Generation Programme) – కొత్త సూక్ష్మ పరిశ్రమలకు రుణం మరియు సబ్సిడీ.
MUDRA Loan (Shishu, Kishore, Tarun) – చిన్న వ్యాపారాలకు అవసరమైన మూలధనం కోసం.
MSME Registration (Udyam Registration) – ప్రభుత్వ ప్రోత్సాహకాలు, కొన్ని రకాల రుణ సౌకర్యాలు మరియు ఇతర ప్రయోజనాలకు ఉపయోగపడుతుంది.
District Industries Centre (DIC) ద్వారా స్థానిక పరిశ్రమల పథకాలపై మార్గదర్శకత్వం.
కొన్ని రాష్ట్రాల్లో SC/ST, మహిళా పారిశ్రామికవేత్తలు, యువ పారిశ్రామికవేత్తలు కోసం ప్రత్యేక పథకాలు ఉండవచ్చు.
దరఖాస్తు చేసే ముందు సాధారణంగా సిద్ధంగా ఉంచాల్సిన పత్రాలు:
ఆధార్ కార్డు, PAN, బ్యాంక్ ఖాతా వివరాలు, వ్యాపార ప్రాజెక్ట్ రిపోర్ట్ అంచనా పెట్టుబడి వివరాలు, చిరునామా రుజువు అవసరమైతే Udyam Registration
సరైన ప్రాజెక్ట్ రిపోర్ట్, స్పష్టమైన వ్యాపార ప్రణాళిక, మార్కెట్ అంచనాలతో బ్యాంకును సంప్రదిస్తే రుణం పొందే అవకాశాలు మెరుగుపడతాయి.
అగరబత్తి బిజినెస్ చేయటానికి పెద్దగా చదువుకోవాల్సిన అవసరం కూడా లేదు సాధారణంగా ఉన్నవారు లేదా చదువుకొని ఉద్యోగం లేక ఖాళీగా ఉన్నవారు ఇంటినుంటే వ్యాపారం చేయాలి మనకంటూ ఒక ఆదాయం ఉండాలి అని అనుకునేవారు వివాహమై ఇంటిదగ్గర ఖాళీగా ఉన్నటువంటి మహిళలు కూడా ఈ వ్యాపారాన్ని సులభంగా ప్రారంభించవచ్చు. మీరు కూడా ఇటువంటి వ్యాపారం ఏదైనా చేయాలనుకుంటే మీకు నిజంగా అభినందనలు తెలుపుతున్నాను . మీరు మంచి స్థాయిలో రాణించాలని మీకు మంచి లాభాలు రావాలని మనస్ఫూర్తిగా కోరుకుంటున్నాను.
Disclaimer:
ఈ ఆర్టికల్లో అందించిన అగరబత్తి తయారీ వ్యాపార సమాచారం, పెట్టుబడి వివరాలు, ముడి సరుకులు, మిషన్లు మరియు అంచనా వేసిన లాభాలు కేవలం ప్రాథమిక అవగాహన మరియు మార్గదర్శకత్వం కోసం మాత్రమే ఇవ్వబడ్డాయి. మార్కెట్ పరిస్థితులు, ప్రాంతం, ముడి సరుకుల ధరలు, నాణ్యత మరియు మీ వ్యాపార నైపుణ్యాలను బట్టి వాస్తవ ఖర్చులు మరియు లాభాల్లో మార్పులు ఉండవచ్చు.
ఏదైనా వ్యాపారాన్ని ప్రారంభించే ముందు, స్థానిక మార్కెట్ పరిస్థితులను క్షుణ్ణంగా పరిశీలించి, నిపుణుల సలహా తీసుకుని, మీ స్వంత నిర్ణయం మేరకు పెట్టుబడి పెట్టవలసిందిగా మనవి. ఈ సమాచారం ఆధారంగా జరిగే లాభనష్టాలకు సంబంధించి ఎలాంటి బాధ్యత వహించబడదు.
మరిన్ని అప్డేట్స్ కొరకు వాట్సాప్ చానల్ లో జాయిన్ అవ్వండి.
FAQ (తరచుగా అడిగే ప్రశ్నలు)
1. అగరబత్తి తయారీ బిజినెస్కి ఎంత పెట్టుబడి కావాలి?
చిన్న స్థాయిలో రూ. 15,000 నుంచి రూ. 30,000తో ప్రారంభించవచ్చు.
2. ఇంటి నుంచే ఈ బిజినెస్ చేయవచ్చా?
అవును, ప్రత్యేక షాప్ లేకుండా ఇంట్లోనే తయారీ చేయవచ్చు.
3. మిషన్ లేకుండా చేతితో చేయవచ్చా?
అవును, రోలింగ్ బోర్డుతో చేతితో కూడా చేయవచ్చు, కానీ ఉత్పత్తి పరిమాణం తక్కువగా ఉంటుంది.
4. ముడి సరుకులు ఎక్కడ దొరుకుతాయి?
స్థానిక హోల్సేల్ మార్కెట్లలో, ఆన్లైన్ సప్లయర్ల ద్వారా దొరుకుతాయి.
5. లైసెన్స్ తప్పనిసరా?
చిన్న స్థాయిలో మొదలుపెట్టేటప్పుడు తప్పనిసరి కాకపోయినా, ఉదయం రిజిస్ట్రేషన్ చేయించుకోవడం మంచిది.
6. ఎంత సమయంలో లాభాలు రావడం మొదలవుతుంది?
సాధారణంగా 2-3 నెలల్లో స్థిరమైన కస్టమర్ బేస్ ఏర్పడితే లాభాలు కనిపించడం మొదలవుతుంది.
7. మహిళలు ఈ బిజినెస్ చేయవచ్చా?
ఖచ్చితంగా, ఇది మహిళలకు ఇంటి నుంచే చేయగలిగే అత్యుత్తమ బిజినెస్లలో ఒకటి.
8. ఏ సువాసనలు ఎక్కువగా అమ్ముడవుతాయి?
సాండల్వుడ్, రోజ్, జాస్మిన్, నాగ్చంపా సువాసనలకు ఎక్కువ డిమాండ్ ఉంటుంది.
9. హోల్సేల్గా అమ్మడం ఎలా మొదలుపెట్టాలి?
స్థానిక పూజా సామాగ్రి దుకాణాలను నేరుగా సంప్రదించి శాంపిల్స్ ఇవ్వడం ద్వారా మొదలుపెట్టాలి.
10. ఆన్లైన్లో అమ్మవచ్చా?
అవును, Amazon, Flipkart, Meesho వంటి ప్లాట్ఫారమ్లలో సొంత బ్రాండ్తో అమ్మవచ్చు.
11. ప్రభుత్వం నుంచి సబ్సిడీ లభిస్తుందా?
అవును, KVIC వంటి సంస్థల ద్వారా శిక్షణ, సబ్సిడీ పథకాలు అందుబాటులో ఉన్నాయి.
12. ఈ బిజినెస్కి ప్రత్యేక నైపుణ్యం అవసరమా?
ప్రత్యేక నైపుణ్యం అవసరం లేదు, రెండు మూడు రోజుల్లో నేర్చుకోగల ప్రక్రియ.
13. వర్షాకాలంలో ఎండబెట్టడం ఎలా?
ఇండోర్ డ్రయింగ్ రూమ్ లేదా ఫ్యాన్/హీటర్ సహాయంతో ఎండబెట్టవచ్చు.
14. ఈ బిజినెస్ ఎంత మందికి ఉపాధి ఇవ్వగలదు?
యూనిట్ పరిమాణాన్ని బట్టి 2 నుంచి 10 మంది వరకు ఉపాధి కల్పించవచ్చు.
15. దీన్ని పెద్ద బ్రాండ్గా ఎలా మార్చుకోవాలి?
నాణ్యత, స్థిరమైన సప్లై, సొంత బ్రాండింగ్, డిజిటల్ మార్కెటింగ్ ద్వారా క్రమంగా పెద్ద బ్రాండ్గా విస్తరించుకోవచ్చు.
About the Author
