Watermelon: ఇప్పటివరకు మీరు పుచ్చకాయను తప్పుగా ఎంచుకుంటున్నారు! ఇలా చేయండి

ఎండాకాలంలో మనం చాలా ఇష్టంగా పుచ్చకాయలను తింటూ ఉంటాం. అయితే మనము రోజూ చూసే పుచ్చకాయలు రెండు, మూడు రకాలు మాత్రమే. కానీ ప్రపంచంలో ఎన్ని రకాల పుచ్చకాయలు ఉన్నాయో తెలుసా? ప్రపంచవ్యాప్తంగా సుమారుగా 1200 కి పైగా పుచ్చకాయలు ఉన్నాయి. అయితే ఈ పుచ్చకాయలన్నింటినీ నాలుగు భాగాలుగా వర్గీకరించవచ్చు.

ప్రపంచవ్యాప్తంగా పుచ్చకాయ రకాలు (Global Varieties)

సీడ్‌లెస్ (Seedless): గింజలు లేని రకాలు. ఇవి హైబ్రిడ్ రకాలు.

పిక్నిక్ (Picnic): ఇవి పెద్దవిగా (5 నుండి 20 కేజీలు) ఉంటాయి. ఉదాహరణకు ‘ఆల్ స్వీట్’, ‘చార్లెస్టన్ గ్రే’.

ఐస్‌బాక్స్ (Icebox): ఇవి చిన్నవిగా (2 నుండి 7 కేజీలు) ఉండి ఫ్రిజ్‌లో పెట్టుకోవడానికి వీలుగా ఉంటాయి. ‘షుగర్ బేబీ’ దీనికి మంచి ఉదాహరణ.

ఎల్లో/ఆరెంజ్ ఫ్లెష్ (Yellow/Orange Flesh): పైన ఆకుపచ్చగా ఉన్నా, లోపల గుజ్జు పసుపు లేదా నారింజ రంగులో ఉంటుంది. ఇవి సాధారణ పండ్ల కంటే ఎక్కువ తియ్యగా ఉంటాయి.

ఇండియా మరియు ఆంధ్రప్రదేశ్‌లో పుచ్చకాయ (Watermelon) లభించే రకాలు

మనదేశంలో పుచ్చకాయల సాగు చాలా ఎక్కువగా జరుగుతుంది. సిటీలో మహానగరాలలో పుచ్చకాయలు ఎప్పుడూ అందుబాటులో ఉన్న అవి వేరే ప్రాంతాల నుండి దిగుమతి చేసుకుంటారు. కానీ ఎండాకాలంలో గ్రామ గ్రామాలలో పుచ్చకాయలు విపరీతంగా అందుబాటులో ఉంటాయి. ఇవన్నీ మన దేశంలో, రాష్ట్రంలో పండేటటువంటి పుచ్చకాయలే. వీటిలో మన నేల స్వభావానికి తగ్గట్టుగా కొన్ని ప్రత్యేక పుచ్చకాయ రకాలు ప్రతి సంవత్సరం సాగు చేస్తూ ఉంటారు.

షుగర్ బేబీ (Sugar Baby): ఇది భారత్‌లో అత్యంత ప్రజాదరణ పొందిన రకం. ముదురు ఆకుపచ్చ రంగులో ఉండి, లోపల ఎర్రగా, చాలా తియ్యగా ఉంటుంది.

ఆర్కా జ్యోతి: ఇది ఐఐహెచ్ఆర్ (IIHR) ద్వారా అభివృద్ధి చేయబడిన రకం. నిల్వ సామర్థ్యం ఎక్కువ.

దుర్గాపుర మీటా: రాజస్థాన్ ప్రాంతంలో ఎక్కువగా కనిపిస్తుంది, చాలా తియ్యగా ఉంటుంది.

ఆంధ్రప్రదేశ్ లో ఎక్కువగా లభించే పుచ్చకాయ (Watermelon) రకాలు

కిరణ్ (Kiran): పైన ముదురు ఆకుపచ్చ చారలు ఉండి, లోపల ఎర్రటి గుజ్జుతో ఉంటుంది. ఇది మార్కెట్‌లో ఎక్కువగా కనిపిస్తుంది.

సరస్వతి: ఇది కూడా ఆంధ్ర రైతులకు ఇష్టమైన రకం.

నమో: ఇటీవల కాలంలో రైతులు పండిస్తున్న మెరుగైన హైబ్రిడ్ రకం.

తియ్యగా, ఎర్రగా ఉండే పుచ్చకాయను గుర్తించడం ఎలా? (How to Pick the Best One)

చాలామంది పుచ్చకాయ కొనేటప్పుడు అది తీయగా ఉంటుందో లేదో లేదా ఎర్రగా ఉంటుందో తెల్లగా ఉంటుందో అని సందేహం ఎక్కువగా ఉంటుంది. కానీ కొన్ని ప్రాంతాలలో పుచ్చకాయ కొనే ముందు దానికి చిన్న రంధ్రం చేసి ఆ కాయ ఎలా ఉందో చూపిస్తారు. కానీ అన్నిచోట్ల అలా కుదరదు ఒకవేళ మనం అలా చేసుకొని తీసుకెళ్లిన దాన్ని త్వరగా వాడుకోవాలి. రెండు మూడు రోజులు నిల్వ చేసుకుంటే అది పాడయ్యే అవకాశం ఉంటుంది. కాబట్టి పుచ్చకాయని రంధ్రం చేయకుండానే మనం అది ఎలా ఉంటుంది? తీయగా ఉంటుందా లేదా పండిన పుచ్చకాయ కాదా అని తెలుసుకోవడానికి కొన్ని చిట్కాలు ఉన్నాయి అవి ఏమిటంటే?

ఫీల్డ్ స్పాట్ (Field Spot): పుచ్చకాయ నేల మీద ఆని ఉన్న చోట ఒక మచ్చ ఉంటుంది. అది ముదురు పసుపు (Creamy Yellow) రంగులో ఉంటే పండు బాగా పండినట్లు. తెల్లగా ఉంటే అది పచ్చిది అని అర్థం.

బరువు చూడండి: పుచ్చకాయను చేత్తో పట్టుకున్నప్పుడు దాని పరిమాణం కంటే ఎక్కువ బరువుగా అనిపించాలి. అంటే అందులో నీటి శాతం ఎక్కువగా ఉందని అర్థం.

శబ్దం (The Thump Test): పండును వేలితో కొట్టినప్పుడు ‘డబ్ డబ్’ అని బొంగురు శబ్దం (Dull Thud) రావాలి. లోపల ఖాళీగా ఉన్నట్లు అనిపిస్తే అది బాగా పండినట్లు.

చారలు మరియు రంగు: పండు మెరుస్తూ (Shiny) ఉంటే అది ఇంకా పచ్చిదని, మొద్దుబారినట్లు (Dull) ఉంటే అది పక్వానికి వచ్చిందని గుర్తుంచుకోండి.

వేసవికాలంలో పుచ్చకాయ తింటే కలిగే ఆరోగ్య ప్రయోజనాలు

పుచ్చకాయలు దాదాపుగా 92% నీరు ఉంటుంది. మిగిలిన 8% లో అద్భుతమైన పోషకాలు ఉంటాయి.

హైడ్రేషన్:
మనం బాగా ఎండలో తిరిగి ఇంటికి వచ్చినప్పుడు పుచ్చకాయ జ్యూస్ తాగటం వల్ల మనకి తక్షణమే ఉపశమనం కలుగుతుంది ఎందుకంటే పుచ్చకాయలు ఎలక్ట్రోలైట్స్ ఉంటాయి ఇవి మన శరీరానికి తక్షణమే ఉపశమనం కలిగిస్తాయి.

లైకోపీన్ (Lycopene):
ఇందులో లైకోపీన్ అనే యాంటీ యాక్సిడెంట్స్ ఉంటాయి. ఇది గుండెకు చాలా మేలు చేస్తాయి గుండె ఆరోగ్యాన్ని మెరుగు పరుస్తాయి అలాగే క్యాన్సర్ వంటి ప్రమాదకరమైన కణాలు మన శరీరంలో ఎదగకుండా అడ్డుకుని మనల్ని కాపాడుతాయి.

సిట్రులిన్ (Citrulline):
ఇది రక్తప్రసరణను మెరుగుపరుస్తుంది అలాగే మనము వ్యాయామం చేసిన తరువాత మన శరీరంలోని కండరాలు నొప్పులుగా ఉంటాయి వాటి నుండి తక్షణము ఉపశమనం కోసం ఇది మనకి చాలా ఉపయోగపడుతుంది.

చర్మం మరియు జుట్టు ఆరోగ్యం:
ఇందులో విటమిన్ ఏ మరియు సి ఉంటాయి ఇవి మన శరీరాన్ని కాంతివంతంగా మార్చడమే కాకుండా మన చర్మం జుట్టుని కూడా ఆరోగ్యవంతంగా ఉండేలా చూస్తుంది.

కేవలం పండుగానే కాదు.. పుచ్చకాయతో విభిన్న ప్రయోగాలు!

చాలామంది పుచ్చకాయని ముక్కలుగా కోసుకొని తింటారు లేదా జ్యూస్ చేసుకుని తాగుతారు ఇవి మాత్రమే కాకుండా పుచ్చకాయతో చాలా రకాల ఆహార పదార్థాలు చేయవచ్చని మీకు తెలుసా?

పుచ్చకాయ సలాడ్ (Watermelon Feta Salad)
పుచ్చకాయ ముక్కలు, పుదీనా ఆకులు, కొంచెం ఫెటా చీజ్ (లేదా పనీర్), నిమ్మరసం కలిపి తీసుకుంటే అది ఒక అద్భుతమైన ‘రిఫ్రెషింగ్ సలాడ్’.

పుచ్చకాయ తొక్క పచ్చడి (Rind Chutney)
మనం పుచ్చకాయ లోపల ఎర్రటి భాగాన్ని తిని పైన తొక్కను పారేస్తాం. కానీ ఆ తెల్లటి భాగంతో (Rind) అద్భుతమైన పచ్చడి లేదా కూర చేసుకోవచ్చు. ఇందులో పీచు పదార్థం ఎక్కువగా ఉంటుంది.

పుచ్చకాయ గింజలు (Seeds)
పుచ్చకాయ గింజలను ఎండబెట్టి, వేయించి తీసుకుంటే ప్రోటీన్ మరియు మెగ్నీషియం పుష్కలంగా అందుతాయి. వీటిని స్నాక్స్‌లా తీసుకోవచ్చు.

పుచ్చకాయ ఐస్ (Watermelon Popsicles)
చిన్న పిల్లల కోసం పుచ్చకాయ జ్యూస్‌ను ఐస్ ట్రేలో పోసి ఫ్రీజ్ చేస్తే, హెల్దీ హోమ్ మేడ్ ఐస్ క్యాండీలు సిద్ధం.

వాటర్ మిలన్ గ్రిల్డ్ స్లైసెస్
నమ్మశక్యంగా లేకపోయినా, పుచ్చకాయ ముక్కలను తేలికగా గ్రిల్ చేసి, కొంచెం ఉప్పు, కారం చల్లుకుని తింటే ఆ టేస్టే వేరు!

వేసవికాలంలో మనందరం ఇష్టంగా తినే పుచ్చకాయ మీ ప్రాంతాలలో ఎన్ని విధాలుగా మీకు దొరుకుతుంది? అంటే మీరు ఇప్పటివరకు ఎన్ని రకాల పుచ్చకాయల్ని రుచి చూశారు. చాలామంది ఇంటిలో పిల్లలకు ఇష్టంగా తీసుకు వెళ్ళేది వేసవికాలంలో పుచ్చకాయ మాత్రమే? ఎందుకంటే ఇది తినటానికి చాలా అనుకూలంగా ఉంటుంది. జ్యూసీగా ఉంటుంది ఎంత తిన్నా మనకి ఏ ఇబ్బంది అనిపించదు . పుచ్చకాయల్లో అధిక శాతం నీరు ఉండటం వల్ల పుచ్చకాయని మనం ఎంత తిన్నా కూడా మనకి ఎక్కువ తిన్న ఫీలింగ్ రాదు. అందులో బాగా జీర్ణం కూడా అవుతుంది. కాబట్టి పుచ్చకాయని ఒక చక్కని ఆరోగ్యవంతమైన ఫలం. చాలా గ్రామాలలో ఒకప్పుడు పుచ్చకాయని, ఒక పుచ్చకాయ ఈ ధరకి ఇస్తాము అని అమ్మేవాళ్ళు కానీ రాను రాను చాలా ప్రాంతాలలో పుచ్చకాయ కేజీల ప్రకారం అమ్మడం మొదలుపెట్టారు. దానివల్ల పుచ్చకాయ రేట్లు విపరీతంగా అనిపిస్తున్నాయి. దానికి కారణం కూడా లేకపోలేదు. ఎందుకంటే పెరిగిన ధరలు ఆ విధంగా పుచ్చకాయ రేట్లని కూడా మార్చి వేశాయి. ఈసారి మీ ఇంట్లో పుచ్చకాయని కేవలము తినడానికి ఉపయోగిస్తారా లేదంటే పుచ్చకాయ జ్యూస్, పుచ్చకాయ ఐస్, పుచ్చకాయ తొక్కుతో పచ్చడి వంటి వెరైటీ లను ట్రై చేస్తారా.

Disclaimer:ఈ ఆర్టికల్‌లో పొందుపరిచిన సమాచారం సాధారణ అవగాహన కోసం మాత్రమే ఇవ్వబడింది. ఇందులో పేర్కొన్న ఆరోగ్య సూచనలు, ప్రయోజనాలు వ్యక్తిగత ఆరోగ్య పరిస్థితులపై ఆధారపడి మారవచ్చు. ఏదైనా ఆరోగ్య సమస్యలు, డైట్ మార్పులు లేదా వైద్య సంబంధిత నిర్ణయాలు తీసుకునే ముందు తప్పనిసరిగా నిపుణులైన వైద్యుడిని సంప్రదించండి. ఈ సమాచారాన్ని పూర్తిగా ఆధారంగా తీసుకుని తీసుకునే నిర్ణయాలకు రచయిత లేదా వెబ్‌సైట్ బాధ్యత వహించదు.

ఎప్పటికప్పుడు అప్డేట్స్ మీకు రావాలంటే ఇప్పుడే మా యొక్క వాట్సప్ ఛానల్ లో జాయిన్ అవ్వండి.

About the Author

Ashok.K

Author

Visit Website View All Posts